Daniya dunyoda birinchi bo‘lib an’anaviy pochtani tugatdi

Daniya rasman qog‘oz xatlarni yetkazib berishdan voz kechgan dunyodagi birinchi davlatga aylandi, deb nur.kz xabar berdi. Mamlakatda so‘nggi xat 2025 yil 30 dekabr kuni yetkazib berilgan.

Ma’lum qilinishicha, raqamli texnologiyalarning rivojlanishi Daniya davlat pochta xizmati PostNord'ning qariyb 400 yillik faoliyatiga yakun yasadi. Endi mamlakatda an’anaviy xatlar yetkazib berilmaydi.

Statistikaga ko‘ra, 2024 yilda Daniya pochta xizmati 2000 yilga nisbatan 90 foizga kam xat yetkazgan. Solishtirish uchun, AQSHda ham 2024 yilda xatlar soni 2006 yilga nisbatan 50 foizga kamaygan.

Shuningdek, PostNord butun mamlakat bo‘ylab o‘rnatilgan 1500 ta pochta qutisini olib tashlab, ularni sotdi. Tushgan mablag‘lar xayriya ishlariga yo‘naltirilgan.