Yaponiyada 20 yoshli yigit uch nafar o‘smirga pichoq bilan tan jarohati yetkazdi. Jabrlanuvchilardan biri olingan og‘ir jarohatlar oqibatida halok bo‘lgan.
Bu haqda mahalliy politsiyaga tayanib Kyodo News xabar berdi.
Ma’lumotlarga ko‘ra, hodisa Osaka shahri markazida joylashgan mashhur sayyohlik hududi — Dotonbori tumanida sodir bo‘lgan. Hujum qilgan shaxs va jabrlanuvchi o‘smirlar o‘zaro tanish bo‘lib chiqqan.
Dastlab ular o‘rtasida og‘zaki tortishuv kelib chiqqan, keyin esa janjal qo‘l jangiga aylanib ketgan. Shu jarayonda gumonlanuvchi pichoq ishlatib, uch nafar o‘smirga jarohat yetkazgan.
Oqibatda barcha jabrlanuvchilar shifoxonaga yetkazilgan, biroq ulardan birining hayotini saqlab qolishning iloji bo‘lmagan.
Nashr qayd etishicha, voqeadan so‘ng qochib ketgan taxminan 20 yoshlar atrofidagi shaxs Nara Prefectural Police tomonidan qo‘lga olingan.
Ayni paytda mazkur holat yuzasidan tergov harakatlari davom ettirilmoqda.
“Zamin”ni Telegramʻda oʻqing!
