AQSH prezidenti Donald Tramp Florida shtatida o'tkazilgan Amerika qalqoni sammiti doirasida Eronning telekommunikatsiya tizimi to'liq ishdan chiqarilganini e'lon qildi. Uning so'zlariga ko'ra, Amerika tomoni amalga oshirgan maxsus operatsiya natijasida Eronning barcha aloqa vositalari yo'q qilingan va mamlakat ichidagi aloqa tizimi butunlay izdan chiqqan.
Tramp o'z nutqida nafaqat aloqa tizimi, balki Eronning harbiy salohiyatiga ham jiddiy zarba berilganini ta'kidladi. Uning da'vo qilishicha, AQSH kuchlari operatsiya davomida Eronning 42 ta harbiy kemasini yo'q qilgan. Prezident yo'q qilingan kemalar orasida juda yiriklari ham borligini qo'shimcha qildi.
Eslatib o'tamiz, 2024 yil 28 fevral kuni AQSH va Isroil Eron hududiga qarshi keng ko'lamli havo hujumlarini boshlagan edi. Ushbu hujumlar natijasida Eron oliy rahbari Oyatulloh Ali Xomanaiy halok bo'lgani haqida xabarlar tarqaldi. Garchi bu ma'lumot 28 fevral kuni paydo bo'lgan bo'lsa-da, Eron rasmiylari uni faqat 1 mart kuni rasman tasdiqlashdi. Hozirgi vaziyatda mintaqadagi taranglik yuqori darajada saqlanib qolmoqda.
“Zamin”ni Telegramʻda oʻqing!
