AQSH Mudofaa vazirligi Eron hududiga qilingan hujumlar vaqtida Anthropic kompaniyasining Claude suniy intellekt tizimidan foydalangani ma'lum bo'ldi. Qizig'i shundaki, Pentagon ushbu texnologiyadan foydalanishni taqiqlaganidan bir necha soat o'tib, uni harbiy maqsadlarda ishga solgan. Hozirgi kunda ham AQSH harbiylari ushbu vositadan voz kecha olmayotgani kuzatilmoqda. Bu haqda semafor.com xabar beradi.
Anthropic kompaniyasi va AQSH hukumati o'rtasidagi munosabatlar ancha murakkab tus olgan. Garchi rasmiy Vashington kompaniyani qora ro'yxatga kiritish bilan tahdid qilayotgan bo'lsa-da, harbiy sohadagi ehtiyojlar texnologiyadan foydalanishni davom ettirishga majbur qilmoqda. Ushbu vaziyat mudofaa texnologiyalari bilan shug'ullanuvchi bir qator kompaniyalarni boshqa suniy intellekt modellariga o'tishga undadi.
Ekspertlarning fikricha, Anthropic kompaniyasining harbiy maqsadlarda o'z texnologiyasidan foydalanilishiga nisbatan tutgan pozitsiyasi jamoatchilik orasida turli bahslarni keltirib chiqardi. Ayni damda Google va OpenAI xodimlari suniy intellektning harbiy maqsadlarda qo'llanilishini cheklash va nazorat qilish bo'yicha qat'iy qoidalarni joriy etishni talab qilmoqda. Hozircha Anthropic investorlari mazkur vaziyat yuzasidan sukut saqlashni afzal ko'rishmoqda.
“Zamin”ni Telegramʻda oʻqing!
