Eron Islom inqilobi posbonlari korpusi vakili Sardor Nainiy Hormuz bo'g'ozidagi vaziyat to'liq nazorat ostida ekanligini ma'lum qildi. Uning so'zlariga ko'ra, Eron o'ziga nisbatan davom etayotgan tajovuzlar sababli mintaqadan dushman davlatlar va ularning hamkorlari uchun neft eksport qilinishiga yo'l qo'ymaydi. Hozirgi vaqtda Eron tomoni hech qanday neft mahsulotlari bo'g'oz orqali tashilishiga ruxsat bermasligini ta'kidladi. Bu haqda tengrinews.kz xabar beradi.
Sardor Nainiyning qo'shimcha qilishicha, Eron raketalari va dronlari tahdidi tufayli AQSh harbiy kemalari hamda samolyotlari Eron chegaralaridan ming kilometrdan ortiq masofada qolishga majbur bo'lmoqda. Shuningdek, u Eron qurolli kuchlari mojarolarning yakunlanish muddatini o'zi belgilashini va "Gerald R. Ford" aviatashuvchi kemasini kutib olishga tayyorligini bildirdi.
Avvalroq AQSh prezidenti Donald Tramp Eron bilan bo'layotgan qarama-qarshiliklar deyarli yakuniga yetganini va Eronning harbiy dengiz floti hamda havo kuchlari ishdan chiqqanini da'vo qilgan edi. Biroq Eron tomoni bu bayonotlarni rad etib, mintaqadagi strategik nuqtalarni o'z nazoratida ushlab turganini ta'kidlamoqda.
“Zamin”ni Telegramʻda oʻqing!
