Internet tarmoqlarida AQSH prezidenti Donald Trampning shifoxonaga yotqizilgani haqida xabarlar tarqaldi, ammo rasmiy manbalar bu ma’lumotni rad qildi.
Oq uyning kommunikatsiyalar bo‘yicha direktori Stiven Chung 4 aprel, shanba kuni AQSH prezidentining shifoxonaga yotqizilgani haqida tarqalgan OAV xabarlariga rasman javob berdi. U o‘z ijtimoiy tarmoq sahifasida:
“Hech bir prezident Amerika xalqi uchun Trampdan ko‘proq mehnat qilmagan. U Pasxa dam olish kunlari Oq uy va Oval kabinetda tinimsiz faoliyat ko‘rsatdi. Xudo uni asrasin,” — deb yozdi.
Chungning fikriga ko‘ra, Trampning shifoxonaga yotqizilgani haqidagi xabarlar "fitna nazariyasi"dan boshqa narsa emas.
Mish-mishlar, shanba kuni Tramp omma oldida ko‘rinmaganidan so‘ng paydo bo‘ldi. Bu ko‘pchilikni hayratda qoldirdi, chunki odatda u dam olish kunlarida Mar-a-Lagoda golf o‘ynab, dam olishni odat qilib olgan.
“Zamin”ni Telegramʻda oʻqing!
