Britaniyaning Leykenxit hududidagi RAF havo bazasi yonida Eron urushiga qarshi norozilik aksiyasi davomida ikki kishi qo‘lga olindi. Bu haqda The Daily Mail nashri xabar berdi.
Xabarda aytilishicha, 100 dan ortiq namoyishchi aviabazaning asosiy kirish darvozasi yaqinida lager tashkil qilgan. Ulardan ikki nafari avtomagistral yo‘lni to‘sib qo‘yganligi va transport oqimiga xalaqit bergani sababli hibsga olindi.
Namoyishchilar Leykenxit komandirlariga AQSh harbiylari Britaniya aviabazalaridan foydalanishiga qarshi ekanliklarini bildirishgan va RAFning xalqaro huquq normalariga rioya qilmasligini qoralovchi xatni topshirishgan.
Ushbu voqea Eron urushiga qarshi aksiyalarining xalqaro darajada ham sezilayotganini va namoyishchilarning o‘z pozitsiyasini ochiq ifoda etayotganini ko‘rsatadi.
“Zamin”ni Telegramʻda oʻqing!
