Yaqin Sharqdagi keskinlik yanada kuchaymoqda. Eron tomonidan amalga oshirilgan raketa hujumi natijasida Isroilning Hayfa shahrida joylashgan binolardan biri to‘liq vayron bo‘ldi.
Dastlabki ma’lumotlarga ko‘ra, portlash oqibatida binoda bo‘lgan odamlar vayronalar ostida qolib ketgan. Hozircha 2 nafar fuqaroning halok bo‘lgani tasdiqlangan, yana 2 kishi bedarak yo‘qolgani aytilmoqda. Qutqaruv xizmatlari hodisa joyida izlash-qutqaruv ishlarini olib bormoqda.
Shu bilan birga, manbalarda aytilishicha, Tel Aviv tomonga ham 10 ta ballistik raketa uchirilgan. Bu esa mintaqadagi harbiy vaziyat yanada taranglashayotganidan dalolat beradi.
Mutaxassislar fikricha, so‘nggi voqealar Yaqin Sharqdagi ziddiyatni yanada chuqurlashtirishi mumkin. Rasmiy manbalar esa hozircha holat yuzasidan qo‘shimcha ma’lumot bergani yo‘q.
