Pragada ikki poyezd to‘qnashdi, 46 kishi shifoxonaga yotqizildi

1 daqiqa o'qish16
Pragada ikki poyezd to‘qnashdi, 46 kishi shifoxonaga yotqizildi

Chexiya poytaxti Pragada ikki poyezdning yuzma-yuz to‘qnashishi oqibatida 46 kishi turli darajada jarohat oldi. Ular orasida 16 nafar xorijiy fuqaro ham bor. Ikki poyezd mashinisti og‘ir jarohatlangan. Hozircha halokat oqibatida halok bo‘lganlar haqida ma’lumot berilmagan.

Hodisa ertalabki tirband vaqtda, mahalliy soat bilan taxminan 07:00 da sodir bo‘lgan. Poyezdlar poytaxt markazidagi bosh temiryo‘l vokzali yaqinida joylashgan ko‘prik ustida to‘qnashgan. Hokimiyat vakillari tarkiblar shahar hududida nisbatan past tezlikda harakatlanganini bildirgan.

Chexiya transport vaziri Ivan Bednarjik mahalliy ommaviy axborot vositalariga bergan izohida hodisaning aniq sababi hali ma’lum emasligini aytgan. Uning so‘zlariga ko‘ra, halokatga texnik nosozlik yoki inson omili sabab bo‘lgani haqida hozircha xulosa qilish erta. Biroq dastlabki ma’lumotlardan biri poyezdlardan biri taqiqlovchi svetofor ishorasiga qaramay harakatlanganini ko‘rsatmoqda.

Vazir voqea tafsilotlarini sinchiklab o‘rganish va temiryo‘l transporti xavfsizligini yanada oshirish uchun zarur choralarni ko‘rish maqsad qilinganini bildirgan.

Qutqaruv xizmatlari poyezdlarda bo‘lgan barcha yo‘lovchilarni evakuatsiya qilish uchun qariyb ikki soat vaqt sarflagan. Hodisa joyidan olingan suratlarda qutqaruvchilar jarohatlanganlarni zambillarda olib chiqqani aks etgan.

Praga politsiya boshqarmasi ma’lum qilishicha, qutqaruv operatsiyasi yakunlangan. Hozirda poyezdlar to‘qnashuviga olib kelgan holatlarni aniqlash bo‘yicha tergov boshlangan.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?