Xitoyning WeChat ijtimoiy tarmog‘i shubhali ma’lumotlar bo‘lgan 500 million xabarni blokladi

Xitoyning WeChat ijtimoiy tarmog‘i yanglishtiruvchi ma’lumotga ega bo‘lgan 500 millionga yaqin xabarni blokladi. Ijtimoiy tarmoqning 1 milliarddan ortiq foydalanuvchisi bor. Bu haqda «TASS»ga tayanib «Daryo» xabar berdi.

WeChat mutaxassislari ijtimoiy tarmoq messenjeriga maxsus dasturni kiritdi. Dastur foydalanuvchilar tomonidan tarqatiladigan «mish-mish»larni aniqlash va bloklashga qaratilgan.

Bunday «mish-mish»larga 2014 yilning martida Malaysia Airlines kompaniyasi samolyotining g‘oyib bo‘lishi yoki saratonni davolashning muqobil usullari haqidagi quruq muhokamalarni kiritish mumkin.

2017 yil yakuniga qadar dastur ishonchsiz ma’lumotlar haqida 37 million ogohlantirish yuborib, undan 19,7 milliondan ortiq foydalanuvchi foydalangan.
“Zamin”ni Telegramʻda oʻqing!