Chorshanba kuni, Suriyaning janubi-g‘arbida Bashar Asadning hukmronligi qayta tiklanishi haqidagi muzokaralar muvaffaqiyatsizlikka uchraganidan so‘ng, shu hududlarda Rossiya havo zarbalari yana boshlandi. Deraa shahridan shimoli-g‘arbda joylashgan Tafas va sharqdagi Sayd shaharlari bo‘ylab zarbalar berildi. Bu haqda Suriyanng inson huquqlari monitoringi guruhi xabar bermoqda.
Mintaqani qo‘zg‘olonchilardan qaytarib olish uchun Suriya prezidenti Bashar Asad Rossiya aviatsiyasi yordamida kampaniya olib bormoqda va bu hududning katta qismini qo‘lga kiritdi. Chorshanba kuni kechqurun Saydga bochkali bombalar ham tashlanganini ta’kidlayotgan huquq himoyachilari bu haqda xabar qilayapti.
Qo‘zg‘olonchilar jangovor harakatlarni to‘xtatish haqida kelishib olishga harakat qilib, Rossiya bilan muzokaralar olib borayotgan edi va hududlarni Asad boshqaruvi suvereniteti ostiga qaytarish bu muzoakaralarning shartlaridan biri edi. Biroq kelishuvga erisha olishmadi. Rossiya bilan muzkaralar olib borayotgan, Suriya erkin armiyasi asosiy fraksiyalarining vakili Reuters agentligiga “Rossiya tomonining og‘ir
texnikani topshirish to‘g‘risidagi qattiq talabi tufayli muzokaralar muvaffaqiyatsizlikka uchragani”ni bayon qildi. Qo‘zg‘olonchilarning boshqa vakili Rossiya bir vaqtning o‘zida hamma qurollarni topshirishga erishmoqchi bo‘lgani bois, muzokaralar muvaffaqiyatsizlikka uchraganini xabar qildi. Suriya muxolifati esa o‘n minglab ko‘chirilgan odamlar uylariga qaytgandan so‘ng, uni bosqichma-bosqich topshirishni xohlagan edi. Shanba kuni muzokaralarning birinchi bosqichidan so‘ng, qo‘zg‘olonchilar “Rossiyaning shartlari tahqirlovchi kapitulyatsiya” ekanligini aytib, uni tark etishdi. Tez orada Iordaniya ularni muzokaralar stoli atrofiga qaytishga ko‘ndirdi, deb xabar bemroqda rasmiy manbalar. Iordaniya tashqi ishlar vaziri Aymon Safadi chorshanba kuni Moskvada Sergey Lavrov bilan muzokaralar o‘tkazdi va agar o‘t ochish to‘xtatilmasa, Suriyaning janubida gumanitar halokat ro‘y berishi xavfi borligini bayon qildi.
Manba: Tnews.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskva aeroportlarida 1000 ga yaqin tojikistonlik qolib ketdi
Migrantlarni Rossiyadan chiqarib yuborishning yangi tartibi taklif etildi
“O‘zgidromet” 29 aprel kuni kuzatiladigan ob-havo prognozini e’lon qildi
Sherali Jo‘rayevning birinchi turmush o‘rtog‘i Xursanoy aya: “Botirjon Sherali Jo‘rayevning o‘g‘li”
Crocus'dagi teraktda ayblangan yana bir Tojikiston fuqarosi hibsga olindi
Vazirliklar Yangi Toshkentga ko‘chiriladi
Abduqodir Husanov Osiyo Kubogi finalida O‘zbekiston termasiga yordam bera olmaydi
O‘zbekistonning demografik ko‘rsatkichlari e’lon qilindi
