Qirgʻizistonlik 51 yoshli Zuura Boltoyeva 1995 yili ishlab pul topish ilinjida Qirgʻizistondan Qozogʻistonga joʻnab ketgandi. Oʻzining aytishicha, musofir yurtda qilmagan ishi qolmagan. Tamaki paykallarida ter toʻkkan, mol, qoʻy boqqan. Ishqilib duch kelgan ishni bajargan. Kunlarning birida turmushga chiqqan va eri bilan 11 yil birga yashashgan. Oʻrtada qiz farzand dunyoga kelgan. Peshona ekan, eri tuyqusdan oʻlim topdi.
Ana shundan keyin Zuuraning shoʻriga shoʻrva toʻkildi. Qaynotasi va qaynsinglisi qizini undan tortib olishgan. Oʻzini esa haydab solishgan. Yana koʻchada qolgan ayol ishga yollangan. Yollangan-u, qullikka tushgan. Uni ishga olgan xoʻjayinlar it kuniga solishardi. Kecha-kunduzlab ovqatsiz qolib ketardi. Itdek ishlardi, qorni ovqatga toʻymasdi. Hatto, yovvoyi mahluqlar ham ijirgʻanadigan joylarda uxlashga majbur edi.
Mana, nihoyat qirgʻizistonlik mutasaddi tashkilot vakillari xayrli ishga qoʻl urib oʻzga mamlakatlarda qullikda xoʻrlanayotgan yurtdoshlarini qidirib topishga bel boylashdi. Ularning sharofati bilan Zuura vataniga qaytish, opasi Burmakan Boltoyevani koʻrishga muyassar boʻldi.
Toʻgʻri, opa-singillar ancha vaqtgacha bir-birlariga tikilib yigʻlashdan nariga oʻta olishmadi. Keyin esa…
Baxtning erta-kechi yoʻq deyishadi-ku!..
Zuura dunyodagi barcha boquvchisi yoʻq, moddiy ahvoli ayanchli odamlarga murojaat etib, hech qachon qullikka tushib qolmasliklarini tiladi. Yaratganga yuborgan sinovlari uchun beadad shukr qildi!
Manba: Hordiq.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Nyu-York politsiyasi Falastin tarafdori bo‘lib namoyish o‘tkazgan 282 talabani hibsga oldi
Istanbuldagi 1 may namoyishlarida 140 dan ortiq kishi hibsga olindi
Ukraina yaradorlar bilan qanday muomala qilayotgani ma’lum qilindi
Abbosbek Fayzullayev ham Osiyo kubogi finalida o‘ynamaydi
Toshkentda voyaga yetmagan qizga shilqimlik qilgan yigitga sud hukmi o‘qildi
Rogov: Amerika qo‘shinlarining Ukrainada paydo bo‘lishi "ochiq ishg‘ol" bo‘ladi
Xitoyda avtomobil yo‘lining o‘pirilishi oqibatida kamida 24 kishi halok bo‘ldi