Prezident Shavkat Mirziyoyev va prezident Imomali Rahmon Dushanbe shahrida tashkil etilgan Nizomiddin Alisher Navoiy nomidagi istirohat bogʻiga tashrif buyurdi. Bu haqda Oʻzbekiston prezidenti matbuot xizmati xabar bermoqda.
Mazkur park Tojikiston Respublikasi prezidentining 2018 yil 5 martdagi farmoyishiga muvofiq tashkil etilgan. Farmoyishda tojik va oʻzbek xalqlarining doʻstligi ramzi sifatida bogʻ markaziga Nuriddin Abdurahmon Jomiy va Nizomiddin Alisher Navoiy haykali oʻrnatilishi belgilangan. Haykal loyihasini yaratish boʻyicha tanlov oʻtkazilgan.
Davlat rahbarining tashrifi arafasida parkka buyuk mutafakkir shoirlar haykali oʻrnatildi. 27 sentyabr kuni bu yerga davlat va hukumat vakillari, adiblar, yoshlar jam boʻldi.
Shavkat Mirziyoyev va Imomali Rahmon mazkur istirohat bogʻi va haykalni tantanali ravishda ochdi. Alisher Navoiy va Abdurahmon Jomiy haykali poyiga gullar qoʻydi.
Tojikistonda shunday bogʻ va yodgorlik majmuasi ochilishini bu borada Oʻzbekistonda qilinayotgan ishlarning mantiqiy davomi deyish mumkin. Maʼlumki, joriy yil 7 mart kuni Samarqand shahrining Alisher Navoiy nomidagi markaziy istirohat bogʻida Navoiy va Jomiy haykali oʻrnatilgan edi. Yana bir eʼtiborli jihati, bu park yonidagi koʻcha ham Abdurahmon Jomiy nomi bilan atalgan, Navoiy bogʻi boshqa bir fors-tojik shoiri Abu Abdullo Rudakiy maydoni bilan tutashib ketgan.
Eslatib oʻtamiz, avvalroq Shavkat Mirziyoyev va Imomali Rahmon oʻzaro muloqot qilgandi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Uchar avtomobil yo‘lovchi bilan birinchi parvozini amalga oshirdi (video)
Ruslar Abrams tanklarining zaif tomonini topishdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
