Balandligi uch qavatli uyga teng o‘tov "Ginness rekordlari" kitobiga kiritildi

Mo‘g‘ulistonning “Selnen” kompaniyasi ustalari tomonidan bunyod etilgan dunyodagi eng baland o‘tov "Ginness rekordlari" kitobiga kiritildi.

Qayd etilishicha, o‘tov Xangi-Mandal nazorat-o‘tkazish punktiga yaqin manzilda o‘rnatilgan bo‘lib, uning balandligi 14 metrni (uch qavatli uyning o‘rtacha balandligi) tashkil etadi. O‘tov 1 ming kvadrat metr maydonni egallagan bo‘lib, bir vaqtning o‘zida 500 kishini sig‘dirishi mumkin.

Xorijiy sayyohlarni jalb etish maqsadida bunyod etilgan o‘tov juda ulkan bo‘lsa-da, an’anaviy 4 ta tirgagichga ega, xolos. “Zamin”ni Telegramʻda oʻqing!