Saylovchilar o‘rtasida o‘tkazilayotgan so‘rovnomalarga ko‘ra AQSHning sobiq vitse-prezidenti Jo Bayden uchta muhim strategik shtatda prezident Donald Trampdan oldinda bormoqda. So‘rovnoma natijalari 26 iyul kuni CNN’da e’lon qilingan.
Gap Arizona, Florida va Michigan shtatlari haqida ketmoqda. 2016 yilda Trampning g‘alaba qozinishida uning aynan ana shu shtatlarda ustunlik qilgani muhim rol o‘ynagandi.
Ta’kidlanishicha, prezident saylovi o‘tkaziladigan sanaga 100 kun qolganda yuqorida nomlari keltirilgan shtatlardagi saylovchilar Jo Bayden nomzodini ko‘proq qo‘llashmoqda.
So‘rovnomada ma’lum bo‘lishicha, Arizona shtatida aholining 49 foizi Jo Baydenni qo‘llashga tayyor, 45 foiz aholi esa Trampni qo‘llashini bildirgan. Florida shtatida esa so‘ralganlarning 51 foizi Baydenni qo‘llashini ma’lum qilgan bo‘lsa, 46 foizi Trampni qo‘llamoqchi. Michigan shtatida ko‘rsatkichlar Tramp uchun juda yoqimsiz bo‘lmoqda. Bu shtatda so‘rovnomada qatnashganlarning 52 foizi demokratlar nomzodi Baydenni, 40 foizi respublikachilar vakili bo‘lgan amaldagi prezident Trampni qo‘llashini bildirgan.
16 iyul kuni AQSHdagi siyosiy tahlillar o‘tkazuvchi ancha obro‘li Real Clear Politics portali e’lon qilgan ma’lumotlarga ko‘ra, saylovchilar o‘rtasida mashhurlik va ommaboplik bo‘yicha Jo Bayden Trampni o‘rtacha 8,6 foizga ortda qoldirmoqda.
Bugun Qo‘shma shtatlarda yana ko‘pchilik mutaxassislar va tahlilchilar saylovoldi targ‘ibotlarida Jo Bayden ustunlik qilayotganini, ammo xulosa chiqarishga shoshilmaslik kerakligini aytishadi. Ular 2016 yilda o‘tkazilgan saylovlarda prezidentlikka nomzod Hillari Klinton saylovoldi so‘rovnomalarida Donald Trampdan sezilarli oldinda bo‘lganini, ammo yakunda kichik bir xato tufayli Tramp g‘alaba qozonganini eslatishadi.
Ma’lumot uchun, AQSHda prezident saylovi 2020 yil 3 noyabrga belgilangan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Amerikalik olimlar barcha uchun birdek foydali jismoniy faollik turini aniqladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Rossiya dunyodagi birinchi vodorod yoqilg‘ili avtomobilni taqdim etdi