Foto: «The-sun.com»
Milliarder Bill Geytsning qizlaridan biri SARS-CoV-2 koronavirusiga qarshi emlangan. U bu haqda «Instagram»da ma’lum qildi.
24 yoshli Jennifer Geyts hozircha zarur bo‘lgan ikkita dozadan faqat bittasini olgan. Suratda qiz «Men COVID-19ga qarshi vaksinamni oldim» degan stikerni namoyish qilmoqda. Boshqalar ham vaksinatsiya haqida o‘ylashi kerak, dedi u. «Qancha ko‘p odam immunitetga ega bo‘lsa, shuncha ko‘p hamma uchun xavfsiz bo‘ladi», — deya tushuntirdi u.
«Afsuski, vaksina menga dono otamning miyasini joylashtirmadi, — deya hazillashdi Jennifer Geyts. — Qani edi mRNA shunday kuchga ega bo‘lsa».
U Bill Geyts odamlarni chiplashtirishni niyat qilayotgani haqidagi tuhmatga shama qildi.
Avvalroq milliarder COVID-19 ga qadar ham shu kabi bo‘htonlarga duch kelganini tan oldi va vaksinalarga bo‘lgan ishonchsizlik pandemiyaga qarshi kurashni sekinlashtirishidan ogohlantirdi. Bill Geytsning o‘zi 22 yanvardayoq emlangan.
Jenifer Geyts — dunyodagi eng boy odamlardan biri hisoblanuvchi, boyligi 124,3 milliard dollarga baholangan, Microsoft asoschisi Bill Geytsning qizi. U Stenford universitetida tibbiy ta’lim olmoqda. 2020 yilda uning turmush o‘rtog‘i ot musobaqasi bilan shug‘ullanuvchi misrlik taniqli sportchi 28 yoshli Nayel Nassar ekanligi oydinlashdi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ortiqcha vaznli insonlar uchun sog‘lom ovqatlanishning beshta muhim qoidasi
Zoir Mirzayev “Telefonsiz maktab”ga 300 mln so‘m mukofot berdi
Mariya Zaxarova ukrainaliklarni Amerika hindulariga o‘xshatdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Ruslar Abrams tanklarining zaif tomonini topishdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Global Janub kimniki?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi