20:48 / 18.06.2021
1 570

Yevroittifoq AstraZeneca kompaniyasiga qarshi sudda yutqazdi

Yevroittifoq AstraZeneca kompaniyasiga qarshi sudda yutqazdi

Sudning qayd etishicha, Yevropa komissiyasi «boshqa kelishuvchi tomonlar oldida alohida yoki ustuvor huquqqa ega emas».
AstraZeneca kompaniyasi Yevroittifoqning vaksina yetkazib berish muddatining buzilishi to‘g‘risidagi da’vosi bo‘yicha sud ishida yutib chiqdi. Bu haqda kompaniya saytida xabar berildi.
Yevropa komissiyasining Yevroittifoq mamlakatlari nomidan bergan da’vosida AstraZeneca iyun oxirigacha 120 mln doza vaksina yetkazib berishi, sentabr oxirigacha jami yetkazib berilgan vaksinalar miqdori 300 mln dozani tashkil etishi kerakligi aytilgandi. 
Sud qaroriga ko‘ra, kompaniya 27 sentabrga qadar koronavirusga qarshi 80,2 mln doza vaksina yetkazib berishi lozim.
Kompaniya xabariga ko‘ra, bugunga qadar Yevropa ittifoqiga 70 mln dozadan ortiq vaksina yetkazib berilgan.
Yevropa komissiyasining boshqa barcha talablari rad etildi. Qayd etilishicha, Yevropa komissiyasi «boshqa kelishuvchi tomonlar oldida alohida yoki ustuvor huquqqa ega emas».
Yevrokomissiya 26 aprelda AstraZeneca kompaniyasini sudga berganini rasman tasdiqlagandi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Yevroittifoq AstraZeneca kompaniyasiga qarshi sudda yutqazdi