Foto: «Zakon.kz»
Afg‘oniston sobiq aloqa vaziri Germaniyada oziq-ovqat yetkazib beruvchi sifatida ishga joylashdi. Germaniyaga jo‘nab ketgan Afg‘oniston sobiq aloqa vaziri Sayid Ahmadshoh Sadaat Leypsigda o‘ziga kurerlik ishini topdi, deb xabar bermoqda Leipziger Volkszeitung.
Sobiq amaldor o‘tgan yilning oxirida Afg‘onistonni tark etgan. Uning aytishicha, puli tugagach ish qidira boshlagan. Sadaatni Lieferando mahalliy oziq-ovqat yetkazib berish xizmatiga kurer sifatida ishga qabul qilishdi. Biroq u Yevropaning eng yirik telekommunikatsiya kompaniyasi Telekomda ishlashni orzu qilishini tan oldi.
Bir necha kun oldin «Tolibon» harakati Amerika qo‘shinlari Afg‘onistonni tark eta boshlagach mamlakatda hokimiyatni qo‘lga kiritdi. Ular mamlakatning barcha yirik shaharlarini egallab olishdi va yigirma yillik urush tugaganini e’lon qilishdi.
Prezident Ashraf G‘ani mamlakatni tark etdi. Ikki kundan so‘ng BAAda qilgan videomurojaatida qaytishga va’da berdi. O‘z navbatida, vitse-prezident Amrul Solih endi konstitutsiyaga ko‘ra davlat rahbariga aylanganini ma’lum qildi va «Tolibon»ga qurolli qarshilik ko‘rsatishga chaqirdi.
Hozir Afg‘onistonda quruqlikdagi barcha o‘tish joylari tolibonlar nazoratida. Chet ellik xodimlar va chet el missiyalarida ishlaydigan afg‘onlarni evakuatsiya qilish AQSH va boshqa NATO mamlakatlari harbiylari qo‘lida bo‘lgan Kobuldagi yagona aeroport orqali amalga oshirilmoqda. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Toshkentda 02 kodli avtoraqamlar taxminan qachon paydo bo‘lishi aytildi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi