14:51 / 14.10.2021
1 023

Kanadada meteorit uy egasining karavotidagi yostiqqa kelib tushdi

Kanadada meteorit uy egasining karavotidagi yostiqqa kelib tushdi
Foto: Ruth Hamilton
Kanadalik ayol yostig‘iga kelib tushgan meteoritdan uyg‘onib ketib, qo‘rqqanidan qutqaruv xizmatini yordamga chaqirdi, deb xabar beradi Hi-Tech.Mail.ru.

Ta’kidlanishicha, ayol portlash ovozidan uyg‘onib ketgan va yuziga qandaydir bo‘laklar kelib tushganini sezgan. U karavotidan sakrab tushib, qutqaruv xizmatiga qo‘ng‘iroq qilgan. 911 operatori bilan suhbat jarayonida ayol yostiqlardan birini ko‘targan va karavotida tosh yotganini ko‘rgan. Avvaliga ayol toshni vaqti-vaqti bilan portlashlar amalga oshiriladigan qurilish maydonchasidan uchib keldi deb o‘ylagan. Ammo telefon orqali qurilish kompaniyasiga murojaat qilganida, unga portlash ishlari amalga oshirilmaganini aytishgan. Quruvchilar osmonda uchayotgan ob’ektga guvoh bo‘lishganini ham bildirgan.

Foto: Ruth Hamilton
G‘arbiy Ontario universiteti xodimlari toshning meteorit ekanini ayolga tasdiqlagan. Hozirda u ekspertizaga jo‘natilgan, biroq tadqiqotlar yakunlangach Rut Gamilton meteoritni olib ketib, xotira uchun saqlab qo‘yish niyatida.

Fizika va astronomiya kafedrasi professori Piter Barunning ta’kidlashicha, bu kabi holatlar oldin ham kuzatilgan. 2021 yilda meteoritlardan biri Indoneziyadagi uylardan biriga kelib tushgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Kanadada meteorit uy egasining karavotidagi yostiqqa kelib tushdi