16:48 / 19.04.2016
14 052

Qisqichbaqa (22 iyun – 22 iyul)

Qisqichbaqa (22 iyun – 22 iyul)
Ramzlari: qisqichbaqa, krab (dengiz qisqichbaqasi), yurak.

Ranglari: oq, och zangori, kumushrang, ko‘k, yashil no‘xat rangi (kulrang– omadsiz rang).

Toshlari:
oy toshi, zumrad, yoqut.

Gullari: shilvi (uchqat), nilufar, barcha oq gullar, yasmin.

Omadli raqamlari: 4, 5, 8.

Omadli kunlari: dushanba, juma.

Omadsiz kunlari:
seshanba, shanba.

22 iyun - 2 iyul
oralig‘ida tug‘ilgan qisqichbaqa burji vakillarini Venera sayyorasi boshqaradi. Ular tabiatan yumshoq, yoqimtoy, xushfe’l. Tinchlik-osoyishtalik tarafdori, Ashaddiy dushmanlarni ham yarashtira oladi. Kelishgan, chiroyli, latofatli. Yaqinlari uchun samimiy suhbatdosh va yupatuvchi. Ruhiy olami uyg‘un holda rivojlangan. Birovlarning qalb yaralariga malham qo‘ya oladi. Atrofdagilarga g‘amxo‘r, e’tiborli. Tasavvuri boy. Bekorchilikni xush ko‘radi. Gohida o‘zining xohish-istaklariga erk beradi.

3-12 iyul oralig‘ida tug‘ilgan qisqichbaqa burji vakillarini Merkuriy boshqaradi. Ular go‘zallikni noziklik bilan idrok etadi va sevadi. San’atlardan, ayniqsa, tasviriy san’at va musiqani yaxshi ko‘radi. O‘zi ijodkor emas, ammo nozikta’b tinglovchi va tomoshabin, Ilmiy tahlil qilishga moyil, hamisha haqiqatning tagiga etishni istaydi. Uyi bamisoli karvonsaroy, qarindoshlari, do‘stlari va tanishlarining keti uzilmaydi. Gap sotishni, har xil g‘iybatlarni, mish-mishlar tarqatishni xush ko‘radi. Unga faqat his-tuyg‘ularga aloqador axborotlargina ahamiyatli.

13-22 iyul oralig‘ida tug‘ilgan qisqichbaqa burji vakillarini Oy boshqaradi. Ularning ichki olami yumshoq, tashqi ko‘rinishdan ham yumshoq. Mohir ruhshunos. Hayotda ko‘pincha ma’naviy jihatdan qiynalganlarning joniga oro kiradi. Uzoq-uzoqlarga sayohat qilish, dunyo ko‘rish – jonu dili. His-tuyg‘ulari o‘zgarib turadi. Ba’zan o‘ziga rahmi keladi, yig‘lab oladi. Uning uchun uyi, bolalari – dunyoning markazi. Idealli umr yo‘ldoshi. Yaqinlari uchun boridan kechib yuboradi, hamisha uyim-joyim deydi. Ro‘zg‘or tashmishlari uning uchun ortiqcha yuk emas, balki quvonch baxsh etuvchi ijod manbai.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Hayot tarzi » Qisqichbaqa (22 iyun – 22 iyul)
[/banner_pushhouse