Chiroyli qomatni saqlab qolish uchun ko‘plab ayollar nafaqat ratsionini. balki kundalik odatlarini ham o‘zgartiradi. Bu haqda psixoterapevt, tibbiyot fanlari nomzodi, ovqatlanish va vazn yo‘qotishning patentlangan usuli muallifi, Funksional tibbiyot instituti (IFM, AQSH) a’zosi Mixail Gavrilovdan qanday qilib sog‘lom turmush tarzini olib borish haqida batafsil ma’lumot beradi.
Ishtahaga qarab emas, och qolganda ovqatlaning
Ochlik bu — ovqatlanish vaqti kelganligining belgisidir. Buni his-tuyg‘ular yordamida tushunish mumkin: masalan, qorin quldurashi. Ochlikning paydo bo‘lishi ko‘p jihatdan oxirgi marta qachon ovqatlanganingizga bog‘liq — o‘rtacha olganda, oxirgi ovqatdan 4 soat o‘tgach sodir bo‘ladi. Ishtaha esa ovqatdan zavqlanish istagi bilan bog‘liq.
Agar tanangiz signallariga e’tibor berishga odatlanmagan bo‘lsangiz, ochlikni ishtahadan ajratish qiyin bo‘ladi.
Tasavvur qilib ko‘ring, o‘sha paytda bir kosa sho‘rva yoki bir bo‘lak qora non sizga yoqadimi? Ha bo‘lsa, unda, albatta, ovqatlanish vaqti kelgan. Agar siz shirinlik, kolbasa yoki chips yeyishni xohlasangiz, bu ishtaha ekanligi aniq, chunki siz o‘ziga xos mazali taomni xohlaysiz. Agar tez-tez ishtahangizga quloq solsangiz, ortiqcha vazn bilan bog‘liq muammolar paydo bo‘lishi aniq.
Chanqog‘ingizni qondiring
Tanamizning barcha reaksiyalari eritmalarda sodir bo‘ladi, shuning uchun bizga har kuni va ma’lum miqdorda, aniqrog‘i, 1 kg vaznga 30 ml nisbatda suv kerak. Siz uni kun davomida kichik qismlarda ichishingiz kerak, lekin ertalab birdaniga emas.
Maslahat: kerakli suv miqdorini oldindan o‘lchab oling va idishni yaqin atrofga, masalan, ish joyingiz yoniga qo‘ying. Har soatda yarim stakan suyuqlik iching. Agar esingizdan chiqib qolsa, telefoningizga ichish vaqti kelganini eslatadigan dastur o‘rnating.
Ratsioningizga e’tibor qarating
Televizor ko‘rayotganda va kompyuterda ishlayotganingizda nima yeyayotganingizga e’tiboringizni qaratmaysiz. Natijada to‘yinganlik signali miyaga kech keladi va siz kunlik ratsiondagi kaloriya miqdoridan sezilarli darajada oshib, ko‘proq yeb qo‘yishingiz mumkin.
Vazningizni muntazam ravishda o‘lchang
Muntazam ravishda vazningizni nazorat qilishingiz kerak. Har 1-2 haftada ertalab och qoringa vazningizni o‘lchang. Agar 3-5 kilo qo‘shimcha kilogramm qo‘shilgan bo‘lsa, tashvishlanishga hojat yo‘q, ularni bir oy ichida yo‘qotish mumkin, shunchaki diyeta va jismoniy faollikka e’tibor qaratsangiz bo‘ldi. 10 yoki hatto 15 kilo vazn ortishi bilan kurashish ancha qiyin bo‘ladi.
Vaqti-vaqti bilan kaloriyalarni hisoblang
Dastlabki bosqichda diyetaning kaloriya tarkibini hisoblash biroz vaqt talab etadi. Biroq bir oy ichida buni qilganlar diyetasining energiya qiymatini ko‘z bilan hisoblash qobiliyatiga ega bo‘ladi.
Buni esdan chiqarmaslik uchun vaqti-vaqti bilan, yiliga kamida bir marta, hafta davomida yeyayotgan narsangizning kaloriya miqdorini diqqat bilan hisoblashingiz kerak.
Bu, ayniqsa, ba’zi sabablarga ko‘ra diyetasini o‘zgartirgan yoki diyetaga yangi mahsulotlarni qo‘shganlar uchun juda muhim. Bugungi kunda kaloriyalarni hisoblash turli xil ilovalar va mobil kaloriya jadvallari yordamida oson bo‘lib qolgan.
Sevimli mashg‘ulotlaringizni ko‘paytiring
Kelishgan, ozg‘in odamlar jismonan juda faol ham bo‘ladi. Ular odatda o‘zlarining tashqi ko‘rinishiga g‘amxo‘rlik qilishadi, doimo nimanidir o‘rganishadi, ba’zilari esa ijodkor bo‘ladi. Umuman olganda, ularning bo‘sh vaqtlari juda xilma-xildir va ularning ovqat haqida o‘ylashga vaqtlari yo‘q. Har birimiz zavqlanish doirasiga egamiz: tana uchun (terini parvarish qilish, massaj, saunalar, jismoniy faoliyat), ruh (o‘z-o‘zini rivojlantirish), ko‘rgazmalarga, teatrlarga tashrif buyurish, kitob o‘qish va boshqalar) va amaliy (har qanday ijod turlari). Agar birorta ishingiz o‘xshamasa, u doimo eng oddiy va eng oson erishiladigan zavq — oziq-ovqat bilan almashtiriladi.
Oddiy uglevodlarni kerakli miqdorda tabiiy mahsulotlardan, masalan, meva yoki sabzavotlardan olgan ma’qul. Glyukoza molekulalari yakuniy mahsulotdir, uni parchalash uchun tanaga qo‘shimcha energiya sarflash kerak emas. Shuning uchun ular kelajakda foydalanish uchun organizmingizda yog‘ bo‘lib yig‘ilaveradi.
Yetarlicha uxlang
Kechasi ovqatlanmasak ham kun davomida organizmimizda yig‘ilgan yog‘dan miya faoliyatini qo‘llab-quvvatlash uchun glyukoza olamiz. Agar biron sababga ko‘ra yetarlicha uxlamasangiz, uyqu ritmi buziladi, bu esa gormonlar ishlab chiqarishning tabiiy ritmini va kechasi yog‘ parchalanish jarayonini buzadi.
Kechasi tanada taxminan 30 gramm yog‘ yo‘qotiladi. Agar yetarlicha uxlamasangiz, atigi 20 grammi qayta ishlanadi, qolganlari esa son, bel va dumba uchun zaxiraga yuboriladi.
To‘g‘ri ovqatlansangiz va jismoniy faoliyatga vaqt ajratsangiz ham, ammo uyqu sifatingiz yaxshi bo‘lmasa, baribir sekin-asta semirishni boshlaysiz.
“Zamin” yangiliklarini “Vkontakti”da kuzatib boring
