Choyni me’yoridan ko‘p ichish bosh og‘rig‘i va anemiyaga sabab bo‘lishini bilarmidingiz?

^{Foto: Wday}
Choy an’anaviy va eng ko‘p ichiladigan ichimliklardan biri hisoblanadi. Shifokorlar ham choyning zararidan ko‘ra ko‘proq foydali xususiyatlari haqida gapiradi, lekin ba’zi hollarda sog‘lik uchun jiddiy muammolarga olib kelishi mumkin.

Kardiologlarning ta’kidlashicha, ushbu ichimlikka bo‘lgan qaramlik organizm uchun haqiqiy xavfni tug‘diradi. Kofeinga boy choyni ortiqcha iste’mol qilish bosh og‘rig‘i, bezovtalik hisining oshishi va uyqusizlikka olib keladi.

Kun davomida ko‘p choy ichish tufayli anemiya ham rivojlanishi mumkin. Sababi choy tarkibida taninlar bo‘lib, ular temirning oziq-ovqatdan ajralishiga to‘sqinlik qiladi. Choyni achchiq qilib ichish yurak-qon tomir tizimini zararlaydi. Bu esa qon bosimining oshishi va yurak urishi tezlashishiga olib keladi.

Organizmning individual xususiyatlarini hisobga olgan holda choy ichish kerak. Shuningdek, kardiologlar choyning organizm uchun zarar keltirmaydigan sutkalik normasini 2-10 stakan ekanligini aytdi. “Zamin” yangiliklarini “Facebook”da kuzatib boring