Yuguruvchini eng koʻp jarohatlovchi poyabzal ma'lum qilindi...

^{Foto: Shutterstock}
Florida universiteti olimlari tagcharmi qalin krossovkalarni kiyib yugurganlar nisbatan koʻproq jarohat olishlarini aniqlashdi.

Olti yildan koʻproq davom etgan kuzatuvlarda mutaxassislar 700 dan ziyod yuguruvchini oʻrganib, ularning qanaqa oyoq kiyimini kiyishi, jarohatlanish holatlari, maxsus yugurish yoʻlaklarida harakatlanishidagi jihatlarni tahlil qilishdi.

Natijalarga koʻra, uchi tomon kichrayib boruvchi qalin tagcharmli krossovkalar yugurishdagi tabiiylikni buzib, jarohat olish ehtimolini oshiradi.

Va aksincha, tumshuq qismi keng, poshnasi uncha koʻtarilmagan engil poyabzaldan foydalanuvchi sportchilarda shikastlanish va jarohatlar nisbatan kam kuzatilgan. “Zamin” yangiliklarini “Telegram”da kuzatib boring