Kashtan — o‘zining boy tarkibi, shifobaxsh xususiyatlari va foydalilik jihatlari bilan ajralib turuvchi noyob meva turidir. U Turkiyaning Aydin, Izmir, Bursa kabi yirik viloyatlarida yetishtiriladi. Qattiq qobiqli bu yongoq, ko‘plab sabzavot va meva mahsulotlariga nisbatan kraxmal va uglevodlarga boyligi bilan ajralib turadi.
Kashtan tarkibida A, B, C, E vitaminlari, shuningdek temir, magniy, kaliy, fosfor va foliy kislotasi mavjud. U ovqat hazmini yaxshilaydi, ichak faoliyatini qo‘llab-quvvatlaydi hamda uzoq vaqt to‘qlik hissini beradi. Shuning uchun u parhez paytida yoki diabet bilan og‘riganlar uchun foydali hisoblanadi.
Homilador ayollar uchun ham u juda muhim bo‘lib, bola rivojiga ijobiy ta’sir ko‘rsatadi. Kashtan S vitaminiga boy bo‘lgani sababli immunitetni mustahkamlaydi, yallig‘lanishni kamaytiradi va grippga qarshi samara beradi. Shuningdek, uning antioksidant xususiyatlari saraton xavfini kamaytiradi. Kashtan — nafaqat mazali, balki tanadagi ko‘plab muammolarga tabiiy davo hisoblanadi.
“Zamin”ni Telegramʻda oʻqing!
