Munajjimlar bashorati: 15 iyul kuni yulduzlar Sizga nimalarni va’da qilmoqda?..

QO‘Y (21. 03 — 20. 04)
Bugun atrofdagilar sizni qaysidir bahona bilan ayblashlariga yo‘l qo‘ymang. Bunday vaziyatlarda qolsangiz, faqat o‘zingiz o‘zingizga yordam bera olasiz. Kun davomida plastik kartochkangizga pul kelib tushish ehtimoli bor. Agar tejamkor bo‘lsangiz, bu pullar toqqa chiqib dam olishingizga ham bemalol etadi. Oilada ham janjalli vaziyatlarni keltirib chiqarmaslikka harakat qiling. Sog‘lig‘ingiz bugun pand bermaydi.
BUZOQ (21. 04 — 21. 05)
15 iyul kuni ishxonada hamkasblar bilan orangizda bahsli vaziyatlar yuzaga kelishi kutiladi. Bahslar me’yordan oshmasligi kerak. Aks holda siz janjalning qurshovida qolasiz. Ba’zilar qachonlardir yo‘qotib qo‘ygan qimmatli buyumini bugun topib olishlari mumkin. Vrach ko‘rigidan o‘tish, ro‘zg‘or uchun kerakli jihozlar xarid qilish bugun xayrli kechadi. Yuqumli xastalik bilan og‘rigan bemorlardan nariroq bo‘ling.
EGIZAKLAR (22. 05 — 21. 06)
Juftingiz bilan munosabatlarda qandaydir yangilik yaratmasangiz, bo‘lmaydi. Shunday yangilik o‘ylab topingki, sizlar yana qaytadan 18 yasharlar kabi bir-biringizni yonib seva boshlang. Moliyaviy jihatdan sizga bugun yaqin qarindoshingiz yordam beradi. Tadbirkorlar uchun shartnomalar tuzish, muzokaralar olib borish kabi amallar muvaffaqiyatli kechadi. O‘zingizni ehtiyot qiling.
QISQIChBAQA (22. 06 — 23. 07)
Boshingizda tashvish ko‘p. Ularning eng ulkanini yolg‘iz bartaraf etishga ojizsiz. Bunday lahzalarda yaqin do‘stlarga yordam so‘rab murojaat eting, uyalmang. Yaqin do‘stlar bilan dildan suhbat sizga faqat foyda keltiradi. Sportning faol turlari bilan shug‘ullanish, tabiat qo‘yniga chiqib dam olish va qavmlar bilan dardlashish omadli kechadi. Bardoshli bo‘la olsangiz, kechqurunga borib kissangiz pulga to‘ladi. Salomatligingizni ehtiyot qiling.
ARSLON (24. 07 — 23. 08)
15 iyul siz uchun juda xayrli boshlanadi. Yaqindagina ilgari surgan g‘oyangiz rahbarlarga va hamkasblarga yoqib tushibdi. Ular baravar sizni olqishlay boshlashadi. Mukofot ham nasib etib qolsa ajabmas. Oilasizlar romantika uchun boshqa kunni tanlashlari tavsiya etiladi. Bugun sizga omad kulib boqmoqchi emas. Kechqurunga borib o‘zingizni lohas his eta boshlashingiz xavfi bor. Vrach ko‘rigiga chiqib kelishni unutmang.
PARIZOD (24. 08 — 23. 09)
Yulduzlar bugun sizga professional kasbingizda bir olam muvaffaqiyatli lahzalarni va’da qilishgan. Tadbirkorlar xorij tillarini o‘rganishga kirishishadi, ko‘ribsizki, yaqin orada chet ellarda ham hamkorlaringiz bo‘lishiga erishasiz. Yuragi xastalar xudodan astoydil shifo so‘rashlari lozim. Do‘xtirlarga esa qattiqqo‘lroq munosabatda bo‘lmasangiz, sizga qayrilib ham qarashmaydi.
TAROZI (24. 09 — 23. 10)
15 iyul kuni professional kasbingiz bilan bog‘liq yumushlarni tushga qadar uddalab, rahbarga hisob berishingiz kutiladi. Bundan rahbarlar qanchalar quvonishini bilsangiz edi. Mukofot naqd deyavering. Oilasizlarga ham omad kulib boqadi. Xayolan romantikani orzulab o‘tirishganda, birdan qarshilarida o‘sha romantika paydo bo‘ladi. His-tuyg‘ularni jilovlagan holda kunni kech qiling. Kechqurun sizga qavmlardan biri kutilmagan sovg‘a tayyorlab turishi ehtimolga yaqin.
ChAYoN (24. 10 — 22. 11)
Tijoratchilar, yulduzlar bugun raqobatchilarga qarshi o‘ta qattiq kurashga bel boylashingizni bashorat qilishgan. Ular sizning mijozlaringizni o‘zi tomonga og‘dirish payida yuribdi. Bo‘sh kelmang, mijoz tortib olish qanaqa bo‘lishini ularga ko‘rsatib qo‘ying. Oilasizlar bugun muhabbatda firib aralashishini unutmasinlar. Shuning uchun bu tuyg‘uni buguncha ko‘nglingiz tubiga berkitib tura qoling. Kechqurun salomatligingiz masalasida kichik ko‘ngilsizliklarga duch kelishingiz mumkin.
O‘QOTAR (23. 11 — 21. 12)
15 iyul kuni barcha ishlarni mustaqil tarzda amalga oshiring. Kunning ikkinchi yarmida xizmat safariga jo‘nashingiz kutiladi. Bilim olish, uy sotib olish uchun bugungi kun muvaffaqiyatsiz kechadi. Kechki payt qo‘shimcha daromadli ish topishingiz mumkin. Bu sizga ro‘zg‘or kemtiklarini to‘ldirishda katta yordam beradi. Sog‘lig‘ingizni kun davomida nazoratda ushlang. G‘iybatchilar, kissavurlar ta’qibiga tushib qolishdan saqlaning. Salomatligingiz bugun shikoyat qilar darajada bo‘lmaydi. Yoshi o‘tgan qavmlardan xabardor bo‘lib, duolarini oling.
TOG‘ EChKISI (22. 12 — 20. 01)
Moliyaviy ahvolingiz tushga bormay yaxshidan-da yaxshilanadi. Ammo tejamkorlik ota-buvalardan qolgan meros. Bunga amal qilmasangiz, ahvolingiz kutilmaganda yomonlashib qolishi ham hech gap emas. Oiladagi tashvishlarni zinhor ko‘chaga olib chiqmang. Kechqurun juftingizni yoningizga olib madaniy vaqt o‘tkazish haqida bosh qotirib ko‘rsangiz ham ziyon qilmaydi. Sog‘lig‘ingiz yaxshi bo‘lishini xohlasangiz, eb-icharda me’yorni biling.
QOVG‘A (21. 01 — 19. 02)
15 iyul kuni ertalab xonadoningizda arzimas bahona bilan katta janjal boshlanish ehtimoli bor. Bunday vaziyatda aql bilan ish tutish lozim. Janjalni davom ettirib uydan baraka ketkazish bilan hech narsaga erishmaysiz. Bugun aqliy mehnat, ijod va meditasiya uchun muvaffaqiyatli kechadi. Oilaviy muammolarni do‘stlar maslahatiga asoslanib hal etsangiz, o‘zingizga foyda bo‘ladi. Bugun o‘zingiz tanimagan yoki umuman ishonmaydiganlarga sir aytmang.
BALIQ (20. 02 — 20. 03)
15 iyul kuni hamkasblar bilan muloqotda juda ehtiyot bo‘lishingiz tavsiya etiladi. Ularning qaysidir biri atayin sizni hammaga yomon ko‘rsatib, keyin siz egallab turgan lavozimga ega chiqish payida yuribdi. Kechqurunga yaqin bir-biridan ajoyib insonlar bilan tanishishingiz mumkin. Demak, do‘stlaringiz safi yanada kengayadigan bo‘lib turibdi. Sog‘liqni asrang, birinchi navbatda asabni ehtiyotlang.

Manba: Hordiq.uz “Zamin” yangiliklarini “Twitter”da kuzatib boring