Foto: «Karaidel.rbsmi.ru»
Buyraklar organizmdagi zararli moddalarni zararsizlantirishga javobgar bo‘lib, toksinlarni chiqarib yuboradi. Juft a’zoning ishini qo‘llab-quvvatlash maqsadida ularga zarar yetkazmaslikka harakat qilish, halokatli ta’sir ko‘rsatadigan mahsulotlarni iste’mol qilmaslik kerak. Quyida buyraklarni ishdan chiqaradigan mahsulotlar bilan tanishasiz.
Spirtli ichimliklar
Alkogol — buyraklar uchun birinchi raqamli dushman. Spirtli ichimliklar organizmimizni zaharlaydi, buyraklarni zo‘riqib ishlashga majbur qiladi. Alkogol iste’mol qilgandan so‘ng organizm suyuqlik yo‘qotilishidan qiynala boshlaydi, qon quyuqlashib ketadi. Bu esa buyraklarning qonni filtrlashini qiyinlashtiradi.
Tuz
Tuz tufayli organizmda ortiqcha suyuqlik saqlanib qoladi. Natijada shish kelib chiqadi, gipertoniya rivojlanadi. Ushbu muammolarning oldini olish uchun do‘konlarda sotiladigan oq tuzdan bosh tortish kerak. Uning o‘rniga dorivor giyohlardan foydalangan ma’qul.
Gazlangan shirin ichimliklar
Gazlangan shirin ichimliklar tarkibida ko‘p miqdorda qand bor. Bir stakan gazlangan shirin ichimlik iste’mol qilganimizda organizmdagi glyukoza miqdori birdan ko‘tarilib ketadi. Bunday ichimliklarga mukkasidan ketish qandli diabet kelib chiqishiga va buyraklarda tosh hosil bo‘lishiga olib keladi.
Qahva
Kofein buyraklarni qo‘zg‘atadi. Ko‘p (kuniga 3 piyoladan ortiq) qahva ichganda buyraklarga jiddiy zarar yetkazishi va jiddiy kasalliklarni keltirib chiqarishi hech gap emas.
Qahvani, ayniqsa, och qoringa ichish zarar. Bunda hazm qilish tizimi a’zolari hazm qiluvchi fermentlar ajrata boshlaydi. Organizmga oziq-ovqat mahsuloti tushmagani bois bu fermentlar hazm qilish a’zolarining o‘zini parchalay boshlaydi.
Fast-fud
Tez pishar oziq-ovqat mahsulotlariga tuz va zararli moddalar ko‘p qo‘shiladi. Tez-tez fast-fud iste’mol qilish esa buyraklar faoliyatiga jiddiy ta’sir ko‘rsatib, semizlikka sabab bo‘lishi, qonda xolesterin darajasini oshirishi hamda tromb va tiqinlarning paydo bo‘lishiga olib kelishi mumkin.
Shohida Isroilova tayyorladi.
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
BAAda isroillik ravvin o‘ldirib ketildi
Ukraina Kursk oblastida egallab olgan hududlarining 40 foizdan ortig‘ini yo‘qotdi
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
Isroilning Iordaniyadagi elchixonasi yonida otishma yuz berdi
Tayvanning sobiq prezidenti Ukraina borasida kutilmagan bayonot berdi
Shahram G‘iyosovning Eymantas Stanionisga qarshi jangi sanasi ma’lum bo‘ldi
O‘zbekistonda 1 dekabrdan uy-joyni ta’mirlash uchun kreditga arizalar qabul qilinadi
Italiyadagi xushmanzara qishloq Tramp boshqaruvidan norozi amerikaliklarga 1 dollardan uy taklif qilmoqda
