Foto: Freepik
Nonushta nafaqat kun davomida energiyaga to‘la bo‘lish, balki kayfiyat a’lo darajada bo‘lishining ham garovi hisoblanadi. Foydali mahsulotlar bilan qilingan to‘g‘ri tanovul kun bo‘yi to‘q tutgani sabab kishi pala-partish ovqatlanmaydi, organizmda esa muammo kuzatilmaydi.
Tuxum
Tuxumni har kuni iste’mol qilish, shu bilan birga turli usulda tayyorlash mumkin. Tayyorlashga uzoq vaqt ketmasligi esa ertalabdan ish yoki o‘qishga shoshadiganlar uchun ayni muddao. Tuxumning sarig‘ida bir qancha ko‘z kasalliklari, xususan, kataraktaning oldini olish xususiyatiga ega bo‘lgan antioksidantlar lyutein va zeaksantin bisyor bo‘ladi. Shuningdek, ushbu mahsulot miya va jigar salomatligi uchun muhim bo‘lgan muhim oziqa moddasi xolinni o‘z ichiga oladi. Uch dona katta tuxumda 20 gramm yuqori sifatli oqsil mujassam bo‘ladi.
Yogurt
Mazali va qorinni to‘q tutish xususiyatiga ega bo‘lgan mazkur yogurtni nafaqat o‘zini, balki yong‘oq, asal va mevalar bilan ham qo‘shib iste’mol qilish mumkin. Yogurtda ochlik hissini bartaraf etadigan, shuningdek, metabolizmni jadallashtirib, to‘q bo‘lishni ta’minlaydigan oqsillar mo‘l bo‘ladi.
Qahva
«Baxt eliksiri» deb ta’rif beriladigan qahva tarkibidagi kofein uyg‘onishga yordam beradi, kayfiyatni ko‘taradi. Biroq uni me’yorida iste’mol qilish hamda mazali bo‘lishi uchun boshqa qo‘shimchalarni qo‘shib, kaloriya ortib ketmasligiga e’tibor berish kerak.
Ko‘k choy
Qahvani yoqtirmaydiganlar uchun ko‘k choy eng yaxshi variant. Bir finjon ko‘k choy tarkibida qahvadagidan ikki karra kam kofein mavjud.
Suli yormasi
Mazkur foydali yorma tarkibida xolesterinni kamaytirish uchun hissasi yuqori bo‘lgan, shuningdek, salomatlik uchun foydali kletchatkalar miqdori ko‘p bo‘lgani sabab ham undan tayyorlangan bo‘tqa bilan tongni boshlash tavsiya qilinadi.
Chia urug‘i
To‘yimli hisoblangan chia urug‘i ham suli yormasi singari kletchatkalarning koni. O‘tkazilgan tadqiqotlarda qandli diabetga chalingan bemorlar muntazam ravishda chia urug‘ini iste’mol qilganidan keyin ochlik hissini tuyishi kamaygani hamda qondagi qand miqdori va arterial qon bosimi me’yorga kelgani aniqlangan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Zoir Mirzayev “Telefonsiz maktab”ga 300 mln so‘m mukofot berdi
Sariqmi yoki yashil: qaysi turdagi banan foydaliroq?
Rossiya dunyodagi birinchi vodorod yoqilg‘ili avtomobilni taqdim etdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Qaysi kundalik odatlar immunitet pasayishiga olib kelishini bilasizmi?
Ortiqcha vaznli insonlar uchun sog‘lom ovqatlanishning beshta muhim qoidasi
