651
2023 yil 1 iyulgacha barcha tabiiy gazni qabul qilish va uzatish nuqtalariga onlayn elektron hisoblagichlar o‘rnatiladi va mazkur hisoblagichlar soliq organlarining axborot tizimlari bilan integratsiya qilinib, yagona avtomatlashtirilgan tabiiy gaz harakati tizimi joriy etiladi.
Bu haqda «Tabiiy gaz va suyuq uglevodorodni qazib chiqarish, qayta ishlash hamda realizatsiya qilish hisobini yuritish tizimini takomillashtirish chora-tadbirlari to‘g‘risida»gi Prezident qarori qabul qilindi.
Shuningdek, 2023 yil 1 oktyabrdan O‘zbekistondan tabiiy gazni quvurlar orqali tashiydigan korxonalarning gazni qabul qilish va uzatish nuqtalariga xromatograf hamda elektron hisoblagichlar o‘rnatilishi majburiy hisoblanadi.
2023 yil 1 iyulgacha tabiiy gaz va suyuq uglevodorodni realizatsiya qilish to‘g‘risidagi shartnomalarga oid ma’lumotlarni kiritish uchun axborot tizimi joriy etiladi.
2023 yil 1 oktyabrdan:
- tabiiy gaz va suyuq uglevodorodni realizatsiya qilish to‘g‘risidagi shartnomalarga oid ma’lumotlar Soliq qo‘mitasining axborot tizimiga kiritib boriladi;
- mazkur shartnomalar yuzasidan elektron hisobvaraq-fakturalar Soliq qo‘mitasining axborot tizimiga kiritilgan ma’lumotlar asosida shakllantiriladi.
2024 yil 1 oktyabrgacha respublikada qo‘shimcha 2 ta gaz o‘lchash stansiyasi quriladi.
Eslatib o‘tamiz, avvalroq aholi o‘rtasida kartadan-kartaga pul o‘tkazmalarini ham soliqchilar nazorat qilishi belgilangan, biroq keyinroq bu tartib bank sirlari deb hisoblanishi vajidan Konstitutsiyaviy qonunga zid deb topilib, bekor qilingan edi.
Tabiiy GazSuyuq UglevodorodElektron HisoblagichShartnoma Ma'lumotlariSoliq Qo‘mitasiGaz O‘lchash Stansiyasi O'zbekiston yangiliklari Yangiliklar
“Zamin”ni Telegramʻda oʻqing! 
Ctrl
Enter
Xato topdIngizmi
Iborani ajratib Ctrl+Enter tugmasini bosing 
16:17, 6-05-2025
