Politico va Public First kompaniyalari tomonidan o‘tkazilgan so‘rovnoma shuni ko‘rsatdiki, amerikalik saylovchilarning atigi 4 foizi nomzodning kripto siyosatiga bo‘lgan munosabatini ovoz berishda hal qiluvchi omil deb biladi. Respondentlar uchun uy-joy narxlari, iste’molchilarni firibgarlikdan himoya qilish va bank xizmatlari uchun to‘lovlarni kamaytirish eng muhim masalalar sifatida qayd etilgan. Bu haqda Cointelegraph.com xabar beradi.
Kripto sanoati lobbistlari 2024-yilgi saylovlar oldidan qonunchilikni o‘zgartirish uchun 130 million dollardan ortiq mablag‘ sarflagan bo‘lsa-da, oddiy saylovchilarning ustuvorliklari va lobbistlarning maqsadlari o‘rtasida katta tafovut mavjud. Tadqiqotchi Molli Uayt ma’lumotlariga ko‘ra, kripto lobbistlari noyabr oyidagi oraliq saylovlarga ta’sir o‘tkazish uchun jami 320 million dollar sarflagan.
So‘rovnomada qatnashganlarning 27 foizi hukumatning kriptoni asosiy moliyaviy aktiv sifatida qonuniylashtirishini qo‘llab-quvvatlaydi, 31 foizi esa bunga qarshi. Respondentlarning yarmidan ko‘pi kripto bilan savdo qilmaganini va kelajakda ham buni rejalashtirmayotganini bildirgan.
AQSH Kongressi vakili Dasti Jonsonning so‘zlariga ko‘ra, aksariyat saylovchilar raqamli aktivlarga qiziqish bildirmaydi, ammo bu mavzu tobora ommalashib bormoqda. Shunga qaramay, respondentlarning 45 foizi kriptoga investitsiya kiritishni tavakkalchilik deb hisoblaydi va yuqori daromad va’da qilinsa ham, bunga rozi emas.
“Zamin”ni Telegramʻda oʻqing!
