StablR platformasidagi 2,8 mln dollarlik xakerlik hujumi oqibatida stabilkoinlar depeg boʻldi

1 daqiqa o'qish174
StablR platformasidagi 2,8 mln dollarlik xakerlik hujumi oqibatida stabilkoinlar depeg boʻldi
QisqachaAI yordamida tayyorlanganKo‘rsatish
  • StablR platformasiga qilingan xakerlik hujumi oqibatida 2,8 million dollar mablag' o'g'irlandi va uning stabilkoinlari qiymatini yo'qotdi.
  • Hujum sababi sifatida ko'p imzoli hisob raqamidagi shaxsiy kalit buzib kirilgani va tizimda zaif boshqaruv o'rnatilgani ko'rsatilmoqda.
  • Natijada EURR stabilkoini 23 foizga, USDR stabilkoini esa 30 foizga arzonlashdi.

StablR platformasidagi davom etayotgan xakerlik hujumi natijasida uning Euro va USD stabilkoinlari oʻz qiymatini yoʻqotdi (depeg). Blockaid blokcheyn xavfsizlik firmasi yakshanba kuni maʻlum qilishicha, tizim issuerga qarshi hujumni aniqlagan va hozirgacha taxminan 2,8 million dollar mablagʻ oʻgʻirlangan. Bu haqda Cointelegraph.com xabar beradi.

Hujumning taxminiy sababi sifatida koʻp imzoli (multisignature) hisob raqamidagi egalardan birining shaxsiy kaliti (private key) buzib kirilgani koʻrsatilmoqda. Blockaid maʻlumotlariga koʻra, tizimda 1-of-3 koʻrinishidagi zaif boshqaruv oʻrnatilgan boʻlgan. Xaker oʻzini egalar roʻyxatiga qoʻshib, boshqa egalarni chetlatgan va 8,35 million USDR hamda 4,5 million EURR zarb qilgan.

Hujumchi zarb qilingan 10,4 million dollarlik tokenlarni markazlashmagan birjalarda (DEX) likvidlik pastligi sababli bor-yoʻgʻi 1 115 ETH (taxminan 2,8 million dollar) evaziga almashtirgan. Blockaid mutaxassislari bu holatni smart-kontrakt xatosi emas, balki kalitlarni boshqarish va boshqaruv tizimidagi muvaffaqiyatsizlik deb baholamoqda.

CoinGecko maʻlumotlariga koʻra, StablR ning EURR stabilkoini oʻz qiymatining 23 foizini yoʻqotib, 1,15 dollardan 0,88 dollargacha tushib ketgan. Shu bilan birga, USDR stabilkoini 30 foizga arzonlashib, 0,70 dollargacha tushgan. May oyi kripto va DeFi loyihalari uchun ogʻir kelmoqda, DeFiLlama maʻlumotlariga koʻra, oy boshidan beri oʻndan ortiq yirik xakerlik hujumlari qayd etilgan.

StablR kompaniyasi Euro va USD valyutalariga bogʻlangan, tartibga solinadigan stabilkoinlarni chiqaradi va ularning zaxiralari Ethereum hamda Solana tarmoqlarida saqlanadi. Shunisi eʻtiborliki, dunyodagi eng yirik stabilkoin issueri boʻlgan Tether kompaniyasi 2024-yil dekabr oyida StablR loyihasiga investitsiya kiritgan edi.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?