Moliya vazirligining xabariga qaraganda, Osiyo taraqqiyot banki O‘zbekistonda meva-sabzavotchilikni rivojlantirish uchun 154 mln dollar yo‘naltirdi. Xabarga ko‘ra, OTB bilan qarz kelishuvi shu yilning mart oyida imzolangan. Loyihaning umumiy qiymati 240,9 mln dollarni tashkil etadi.
Loyiha fermer xo‘jaliklari va sohaga tegishli korxonalar zamonaviy texnika, uskuna va meva-sabzavotchilik sohasidagi kerakli xomashyolarni sotib olish uchun tijorat banklarida kredit liniyalari ochishni ko‘zda tutadi.
Moskvada O‘zbekiston meva-sabzavotlari uchun savdo uyi ochildi Loyihada ishtirok etishga qiziqish bildirgan banklar orasidan "Asaka"," Davr-bank", Hamkorbank, Ipakyo‘li, Ipoteka-bank, Tashqi iqtisodiy faoliyat Milliy banki, Turonbank va O‘zsanoatqurilishbank tanlab olindi.
Rossiya bozorining katta qismini qamrab olish va Evropa bozorlariga chiqish orqali O‘zbekistonning meva va sabzavot eksporti sezilarli ravishda kengayishi mumkin, deb hisoblaydi OTB. Ammo buning uchun mahsulot sifatini, xavfsizlik standartlari, sertifikasiyalash, saqlash, qayta ishlash va marketing texnologiyalarini yaxshilash kerak bo‘ladi.
Loyiha shuningdek, fermer va korxonalarga biznes-rejalashtirish, agrotexnika uslublari va hosil yig‘ib olishdan keyingi jarayonni takomillashtirish, eksport bozoriga chiqish uchun zarur malakani oshirish imkonini ham beradi. O‘zbekistonning eng yirik meva-sabzavot eksportchisi "O‘zagroeksport"ning mo‘ljaliga ko‘ra, O‘zbekiston 2017 yilda 1,27 mln tonna yangi uzilgan va qayta ishlangan meva-sabzavot mahsulotlarini eksport qiladi. Bu 2016 yildagiga qaraganda, uchdan bir qismga ko‘proq deganidir. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
Nega Tramp Zelenskiyni yomon ko‘radi?
Qondagi shakar miqdorini tartibga soluvchi foydali meva nomi aytildi
Zelenskiy: Rossiya Ukrainaning issiqlik energetikasini deyarli to‘liq yakson qildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi