O‘zbekiston 2 oyda 114 mln dollarlik meva va sabzavotlar eksport qildi

O‘zbekiston 2022 yilning yanvar—fevral oylarida 114 million dollarlik meva va sabzavotlar eksport qilgan. Bu haqda Davlat statistika qo‘mitasi xabar qildi.

Qayd etilishicha, O‘zbekiston yilning dastlabki 2 oyida eng ko‘p meva va sabzavot mahsulotlarini eksport qilgan davlat Qozog‘iston – 67,5 ming tonna. Keyingi o‘rinlarda Rossiya va Xitoy joylashgan. To‘liq ro‘yxat quyidagicha:

Qozog‘iston – 67,5 ming tonna;
Rossiya – 29,5 ming tonna;
Xitoy – 16,6 ming tonna;
Qirg‘iziston – 14 ming tonna;
Afg‘oniston – 6,8 ming tonna;
Pokiston – 3,3 ming tonna;
Ukraina – 3,3 ming tonna;
Turkiya – 3,2 ming tonna;
Eron – 2,5 ming tonna;
Ozarbayjon – 2,4 ming tonna;
Belarus – 2,2 ming tonna;
BAA – 1,4 ming tonna;
Germaniya – 553 tonna;
AQSH – 386 tonna.

Eksport qilingan mahsulotlar qiymati o‘tgan yilning mos davri bilan solishtirilganda 33 ming tonnaga oshgan. Yanvar—fevral oylarida eksport qilingan meva va sabzavotlarda asosiy ulushni meva va rezavorlar tashkil etgan – 19,2 ming tonna.

Avvalroq Davlat statistika qo‘mitasi O‘zbekistonga 2022 yilning yanvar—fevral oylarida import qilingan oziq-ovqat mahsulotlari hajmida yuqori ulushga ega bo‘lgan davlatlarni ma’lum qilgandi. Unga ko‘ra, oziq-ovqat importidagi eng yuqori ulush Qozog‘iston hissasiga to‘g‘ri keladi — 36,1 foiz.

Eslatib o‘tamiz, qo‘mita O‘zbekistonga 2022 yilning yanvar—fevral oylarida import qilingan ayrim turdagi oziq-ovqat mahsulotlari qiymatini ham ma’lum qilgan. Unga ko‘ra, 2 oyda import uchun eng ko‘p xarajat qilingan mahsulot — bug‘doy (113,1 million dollar). Keyingi o‘rinlardan shakarqamish (59,6 million dollar) va margarin mahsulotlari (52,1 million dollar) joy olgan.

Yanvar—fevral oylarida importi uchun eng ko‘p xarajat qilingan mahsulot — bug‘doy (113,1 million dollar). Keyingi o‘rinlardan shakarqamish (59,6 million dollar) va margarin mahsulotlari (52,1 million dollar) joy olgan. “Zamin” yangiliklarini “Youtube”da kuzatib boring