O‘zbekistonda xususiy kollej va texnikumlar tashkil etiladi

Prezident raisligida aholini kasb-hunarga o‘qitishni takomillashtirish chora-tadbirlari yuzasidan videoselektor yig‘ilishi o‘tkazilmoqda.

Davlat rahbari aholini kasb-hunarga o‘qitishda xususiy sektor ulushini ko‘paytirish lozimligini ta’kidladi. Hozirda qonuniy asoslar bo‘lsa-da, bironta xususiy kollej yoki texnikum mavjud emasligi ko‘rsatib o‘tildi.

“Xorijiy kompaniyalar ham yoshlarimizni kasbga o‘qitib, bandligini ta’minlash bo‘yicha ko‘plab tashabbuslarni bildirmoqda”, deyiladi rasmiy xabarda.

Qayd etilishicha, bu boradagi ishlarni faollashtirish maqsadida xususiy kollej va texnikumlar tashkil etish uchun qator imtiyozlar beriladi:

- litsenziya olish uchun talablar qayta ko‘rib chiqilib, zarur mablag‘ning minimal miqdori 2 baravarga kamaytiriladi;
- bo‘sh binolar uzoq muddatga ijaraga beriladi;
- xorijdan keltiriladigan adabiyotlar va uskunalar bojxona to‘lovlaridan ozod qilinadi;
- xalqaro malaka sertifikatini olgan har bir bitiruvchi uchun 1 million so‘mdan to‘lab beriladi;
- ehtiyojmand yoshlar to‘lov-kontrakti mablag‘ining 30 foizi qoplab beriladi. “Zamin” yangiliklarini “Telegram”da kuzatib boring