Farg‘onada soliq qarzdorligini undirish ishlari davom etmoqda

Majburiy ijro byurosi Qo‘qon shahar bo‘limi ish yurituvidagi Qo‘qon shahar Davlat soliq inspeksiyasining 16.05.2022 yil kungi qaroriga asosan qarzdor “Ta’minot tijorat” QMJ dan undiruvchi Qo‘qon shahar DSI foydasiga 38.000.000 so‘m soliq qarzi undirish belgilangan bo‘lib, olib borilgan majburiy ijro harakatlari davomida qarzdor “Ta’minot tijorat” QMJ dan jami 38.000.000 so‘m soliq qarzi, 2.000.000 so‘m ijro yig‘imi undirildi.

Shuningdek, Byuroning Oltiariq tuman bo‘limi ish yurituvida Oltiariq tuman davlat soliq inspeksiyasining 30.05.2022 yildagi qarzdor "ATP-12" MCHJ dan undiruvchi Oltiariq tuman DSI foydasiga 26.589.480 so‘m soliq qarzdorligi undirish haqida ijro hujjati mavjud.

Ijro harakatlari jarayonida qarzdorga qarzdorlikni ixtiyoriy bartaraf etish uchun 15 kunlik muddat berilgan va qarzdor bu haqida xabardor qilinib, mazkur muddat davomida qarzdor tomonidan qarzdorlik bartaraf etilmagan taqdirda majburiy ijro harakatlari amalga oshirilishi jumladan ijro yig‘imi qo‘llanilishi haqida ogohlantirilgan.

Shundan so‘ng, qarzdor “ATP-12" MCHJ ushbu ogohlantirilishdan tegishli xulosa qilgan holda, soliq qarzdorligini to‘liq to‘lab berdi.