Yashnobodda yana 2 ta oila yarashtirildi

Byuroning Yashnobod tuman bo‘limi davlat ijrochilari tomonidan “Oila- muqaddas dargoh uni tiklash burchimizdir” shiori ostida targ‘ibot ishlari amalga oshirilib kelinmoqda.

Misol uchun fuqarolik ishlari bo‘yicha Mirobod tumanlararo sudining 13.05.2022 yildagi sud buyrug‘iga asosan qarzdor O.Nurnazarovdan undiruvchi N.Mamaraimova foydasiga voyaga yetmagan ikki nafar farzandlari ta’minoti uchun 1/3 qismi miqdorida aliment undirish haqidagi ijro ishi yuritish qo‘zg‘atilgan.

Undan tashqari fuqarolik ishlari bo‘yicha Mirobod tumanlararo sudining 13.07.2009 yildagi sud buyrug‘iga asosan qarzdor I.Giyosovdan undiruvchi D.Sindarova foydasiga voyaga yetmagan bir nafar farzandi ta’minoti uchun 1/4 qismi miqdorida aliment undirish haqidagi ijro ishi yuritish qo‘zg‘atilgan.

Mazkur ijro hujjati yuzasidan taraflar bilan bo‘lim davlat ijrochisi M.Xudoyberganov o‘rtasida suhbat olib borilganda hamma oilada bo‘ladigan muommolar sabab oila buzilib ketganligi farzandlari ota mehriga qolaversa boshqa o‘rtog‘lari kabi ota-onasi bag‘rida bir oila bo‘lib yashash baxtidan ayrilib murg‘ak qalbi o‘ksinib yashab kelayotganligiga guvoh bo‘ladi.

Byuroning Yashnobod tuman bo‘limi davlat ijrochisining sa’yi harakatlari bilan tomonlar bilan samimiy suhbat olib borilib, savobli ishga qo‘l urildi ya’ni oilalar yarashtirildi va tiklandi hozirda baxtli oilalar safida birgalikda yashab kelmoqda. Bu kabi targ‘ibot tadbirlari davom etmoqda. “Zamin” yangiliklarini “Facebook”da kuzatib boring