Toshkent viloyatida tomorqasida ko‘p miqdorda kannabis yetishtirgan shaxs aniqlandi

^{Foto: Toshkent viloyati IIB}
Toshkent viloyati IIBB sohaviy xizmatlari va quyi tizim xodimlari tomonidan giyohvandlikning har qanday ko‘rinishiga qarshi murosasiz kurash davom etadi.

Xususan, Jinoyat qidiruv boshqarmasi tezkor xodimlari tomonidan «Qora dori – 2022» (2-mavsum) doirasida Toshkent tumanida o‘tkazilgan tezkor-profilaktik tadbir davomida «Shirin» MFYda yashovchi 1975 yilda tug‘ilgan fuqaro Sh.R. daliliy ashyolar bilan ushlandi.

Aniqlanishicha, ushbu shaxs yashash xonadonida 6 kg marixuana (quruq va ho‘l holatdagi) giyohvandlik vositasini saqlab, 36 tup kannabis giyohvandlik o‘simligini parvarishlab, yetishtirib kelgan.

Mazkur holat yuzasidan ushlangan shaxsga nisbatan Jinoyat kodeksining 25, 273-moddasi 5-qismi bilan jinoyat ishi qo‘zg‘atildi. Tergov harakatlari olib borilmoqda. “Zamin”ni Telegramʻda oʻqing!