Rossiya O‘zbekistonga virtual muzeyni rivojlantirishni taklif qildi

^{© Muzey-zapovednik "Saritsino"}
Rossiya va O‘zbekiston ilmiy-ma’rifiy turizmni rivojlantirishi mumkin. Bu haqda Buyuk Oltoy ilmiy-tadqiqot markazining Oltoyshunoslik va turkiy tadqiqotlar bo‘yicha o‘rinbosari Sergey Grushin Toshkentda bo‘lib o‘tgan xalqaro andjumanda ma’lum qildi, deya xabar berdi Sputnik O‘zbekiston.

Gap, birinchi navbatda, Rossiyada ham, O‘zbekistonda ham ilmiy tadbirlarda olimlar va talabalarning o‘zaro ishtiroki haqida bormoqda.
“Birgalikda turizm loyihalarini ishlab chiqish, xususan, virtual muzeyni rivojlantirish mumkin. O‘zbekistonlik hamkasblarimizni ushbu loyihaga qo‘shilishga va O‘zbekiston muzeylarida saqlanayotgan turkiy madaniyatning eng yorqin va qiziqarli durdonalarini virtual muzeyimizga joylashtirishga taklif qilamiz”, — dedi olim.

Bundan tashqari, turkiy madaniyat yodgorliklarini xaritalash bo‘yicha hamkorlik qilish mumkin, deya qo‘shimcha qildi Grushin.

Eslatib o‘tamiz, Toshkentda Ipak yo‘li: turizm prizmasi orqali hamkorlik” mavzusida xalqaro ilmiy-amaliy konferensiya bo‘lib o‘tmoqda. Sputnik O‘zbekiston muxbirining ma’lum qilishicha, Katta Oltoy Oltoyshunoslik va turkiyshunoslik ilmiy-ta’lim markazi direktori O‘zbekiston Turizmni rivojlantirish ilmiy-tadqiqot institutining faxriy professoriga aylandi.

Rossiya, O‘zbekiston, Virtual muzey, Rivojlantirish, Taklif qildi “Zamin” yangiliklarini “Instagram”da kuzatib boring