Jizzax viloyati Zomin tumanida tirik ilon egan erkak jarimaga tortildi. Bu haqda viloyat Ekologiya boshqarmasi xabar berdi.
Ijtimoiy tarmoqlarda erkakning tirik ilonni eyayotgani aks etgan video tarqaldi. Ushbu holat yuzasidan tuman ekologiya boʻlimi va ichki ishlar organlari xodimlari tomonidan tekshiruv oʻtkazilib, erkakning shaxsi aniqlangan.
Qayd etilishicha, K.H. oʻz harakatlari bilan “Hayvonot dunyosini muhofaza qilish va undan foydalanish toʻgʻrisida”gi qonunning 4-moddasi (“Hayvonot dunyosiga mulkchilik”) va 30-moddasi (“Hayvonot dunyosi foydalanuvchilarining huquq va majburiyatlari”) talablarini buzgan. Ushbu qonunning 53-moddasi javobgarlikni, 51-moddasi esa zarar oʻrnini qoplashni belgilaydi.
Davlat inspektorlari erkakni Ma'muriy javobgarlik toʻgʻrisidagi kodeksning 90-moddasi 1-qismi (“Ov va baliq ovlash qoidalari yoki hayvonot dunyosidagi boshqa turdagi foydalanish qoidalarini buzish”) boʻyicha ma'muriy javobgarlikka tortgan holda, unga 20 BHM (7,5 million soʻm) miqdorida jarima belgilashdi. Tabiatga etkazilgan zarar 1,125 million soʻm deb baholandi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
Toshkentda gʻaroyib firibgarlik sodir etildi: “Oyi, men avariyaga uchradim”
Ruhiy kasalliklar shifoxonasidagi hayot: “Hech bir sababsiz xasta boʻlayotganlar bor”
"Instagram"dagi firibgar javobgarlikka tortildi
Shavkat Mirziyoyevning Vatan himoyachilari kuni munosabati bilan bayram tabrigi
Oʻzbekistonda aerotaksi xizmati joriy etiladi
Jizzaxda oʻqituvchilar firibgarlik qurboni boʻlishdi
