Fargʻona viloyati, Toshloq tumanida mast holda avtomobil boshqarayotgan Damas haydovchisi katta tezlikda bir velosipedchini va 5 yoshli piyodani urib yubordi. Natijada, 71 yoshli erkak voqea joyida, bolakay esa shifoxonada vafot etdi.
Yoʻl-transport hodisasi mahalliy «Yakkatol» mahallasi ichki yoʻlida yuz berdi. Mast holatda boʻlgan haydovchi, avval velosipedda ketayotgan 71 yoshli erkakni urib yuborgan, soʻngra qarama-qarshi yoʻlga chiqib, onasi bilan yoʻl chetida ketayotgan bolakayni bosib ketgan.
Mazkur holat boʻyicha jinoyat ishi qoʻzgʻatilib, tergov harakatlari davom etmoqda. Gumonlanuvchiga nisbatan qamoqqa olish tarzidagi ehtiyot chorasi qoʻllanildi.
Ma'lumotlarga koʻra, 2024 yilda Fargʻona viloyatida mast holatda transport vositasini boshqarish bilan bogʻliq 2794 ta qonunbuzarlik qayd etilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
