Foto: Dunyo
Inbusiness.kz axborot agentligining ma'lum qilishicha, "Oʻzbekiston temiryoʻllari" AJ va Qozogʻistonning "Passajirskiye perevozki" AJ kompaniyalari rahbarlari oʻrtasidagi uchrashuvda tomonlar ikki mamlakat oʻrtasida yoʻlovchi tashish sohasida oʻzaro hamkorlik aloqalarini rivojlantirish masalalarini muhokama qilishdi.
Qayd etilishicha, ikki davlat oʻrtasida sayyohlik poyezdlari qatnovi toʻgʻrisida bitim imzolangan, shuningdek, qoʻshma loyihalarni amalga oshirish boʻyicha ishchi guruh tarkibi tasdiqlangan. Bu yoʻnalishdagi ilk qadamlardan biri Jibek Joly sayyohlik poyezdining ishga tushirilishi boʻldi.
"Shuningdek, boshqa yoʻnalishlarda ham shunga oʻxshash turistik marshrutlar yoʻlga qoʻyish imkoniyatini koʻrib chiqishga qaror qilindi. Xususan, yangi "Ostona-Samarqand" xalqaro yoʻnalishi koʻrib chiqilmoqda", - deyiladi maqolada.
Agentlik xabariga koʻra, tashrif davomida yoʻlovchi tashishni boshqarish, harakatlanuvchi tarkibga texnik xizmat koʻrsatish, axborot tizimlarini joriy etish va chiptalarni onlayn sotishni tashkil etish boʻyicha tajriba almashish masalalari ham muhokama qilingan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
