Sirdaryoda avtobus 3 mashinaga urildi, jabrlanganlar yo‘q

1 aprel kuni Sirdaryo viloyati Oqoltin tumanida avtobus 3 ta yengil avtomobilga urildi, deb nova24.uz xabar berdi. Bu haqda viloyat YHXB (UBDD) rasmiy ma’lumot berdi.

Hodisa M-39 avtomagistralining 925-kilometrida, “Ahillik” mahallasi hududida sodir bo‘lgan. Yutong avtobusi Nexia, Matiz va Cobalt avtomobillari bilan to‘qnashgan.

Voqea videosi ijtimoiy tarmoqlarda tarqaldi. Ba’zi xabarlarda jabrlanganlar yoki halok bo‘lganlar borligi aytilgan, biroq YHXB bu ma’lumotlarni rad etdi.

Rasmiylarga ko‘ra, avariyada hech kim jabrlanmagan. Hozirda hodisa yuzasidan surishtiruv ishlari olib borilmoqda. “Zamin” yangiliklarini “Telegram”da kuzatib boring