Farg‘onalik fuqaro uyini kontrabanda omboriga aylantirgani aniqlandi

Farg‘ona viloyati bojxona boshqarmasi kontrabanda bilan kurashish bo‘limi tomonidan o‘tkazilgan tadbirda yirik miqdorda kontrabanda sigaretlar aniqlandi, deb xabar bermoqda upl.uz.

Farg‘ona tumanida, chegara hududiga yaqin joylashgan fuqaroning uyi ko‘zdan kechirilganda, uning xonadonida xorijda ishlab chiqarilgan va aksiz markasiz 12 500 dona “Milano London” va “Esse Change” sigaret bloklari borligi ma’lum bo‘ldi.

Mazkur mahsulotlar noqonuniy yo‘l bilan O‘zbekistonga olib kirilgan bo‘lib, umumiy qiymati 220 million so‘m deb baholandi.

Holat yuzasidan jinoyat ishi qo‘zg‘atilgan, tergov ishlari davom etmoqda. “Zamin”ni Telegramʻda oʻqing!