Alimentdan yashiringan erkak quduqqa berkingan

Toshkent viloyatining Yuqorichirchiq tumanida aliment to‘lovidan uzoq vaqt qochib yurgan fuqaro sud ijrochilaridan qo‘rqib, o‘zini quduqqa tashladi, deb Nova24.uz xabar berdi.

Ma’lumotlarga ko‘ra, mahalliy erkak sobiq turmush o‘rtog‘iga aliment to‘lamay, farzandini tarbiyalayotgan onani yolg‘iz qoldirgan.

Majburiy ijro byurosi xodimlari uning uyiga borganida, erkak yashirinmoqchi bo‘lib, quduqqa tushgan. Biroq bu harakat samara bermadi — u topildi, quduqdan chiqarildi va qo‘lga olindi.

Sud tomonidan unga farzandni tarbiyalash majburiyatini bajarmagani uchun 5 sutka ma’muriy qamoq jazosi belgilandi. Huquqni muhofaza qiluvchi organlar esa alimentni to‘lamaslik masalasini alohida ko‘rib chiqmoqda.

“Zamin”ni Telegramʻda oʻqing!