Toshkentda 19 yoshli yigit daraxtga osilgan holda topildi

Toshkent shahri Yashnobod tumanida 19 yoshli yigitning jasadi daraxtga osilgan holda topildi, deb Nova24.uz xabar berdi. O‘zbekiston Bosh prokuraturasi matbuot xizmatining ma’lumotiga ko‘ra, 2025-yil 31-may kuni soat 06:30 atrofida Yashnobod tumanidagi «Mavlono Riyoziy» mahallasida Sirdaryo viloyati Oqoltin tumanida yashovchi F.U. ismli yigitning jasadi daraxtga osilgan holda aniqlangan.

Huquqni muhofaza qiluvchi organlar hodisa joyini ko‘zdan kechirib, sud-tibbiy ekspertiza tayinlashdi. Hozirda tuman prokuraturasi tomonidan dastlabki tergov harakatlari olib borilmoqda. Ilk ma’lumotlarga ko‘ra, yosh yigitning o‘z joniga qasd qilish sababi qarzlar bo‘lishi mumkin. “Zamin”ni Telegramʻda oʻqing!