Davlat xavfsizlik xizmati xabariga ko‘ra, Toshkent viloyatining Ohangaron shahrida tezkor tadbir o‘tkazildi, deb Davlat xavfsizlik xizmati ma’lum qildi.
Tadbirda Toshkent shahri Yangi hayot tumanida ijarada yashab, “Telegram” messenjeri orqali giyohvand moddalarning savdosi bilan shug‘ullanib kelgan narkodukonning 5 a’zosi qo‘lga olingan.
Ular 400 gramm “Alfa-PVP” sintetik narkotik moddasini 0,3 grammli qadoqlarda Andijon viloyatidagi mijozlarga yetkazish maqsadida olib ketayotgan paytda ushlangan.
Qo‘lga olinganlarning ko‘rsatmasiga asosan, ular tomonidan Andijon viloyatidagi 53 ta yashirin joyga joylashtirilgan 0,3 grammli “Alfa-PVP” moddalari aniqlanib, belgilangan tartibda rasmiylashtirib olingan.
Shuningdek, tezkor tadbir davom ettirilib, narkodukon operatori – 2003 yilda tug‘ilgan, Andijon viloyati Izboskan tumanida yashovchi shaxs Yangi hayot tumanida ushlangan. Uning avtomashinasidan 986 gramm gashish va 7 kg “Alfa-PVP” moddalari topilgan.
Aniqlanishicha, bu narkoguruh kontrabanda yo‘li bilan olib kelingan giyohvand moddalarni Toshkent shahri, Toshkent, Andijon, Farg‘ona, Namangan, Samarqand va Buxoro viloyatlarida sotib kelgan.
Hozirda barcha gumonlanuvchilarga nisbatan Jinoyat kodeksining 25,273-moddasi 5-qismi asosida jinoyat ishi qo‘zg‘atilib, qamoqqa olish ehtiyot chorasi qo‘llanilgan. Tergov ishlari davom etmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
