Qashqadaryo viloyatida ayol mast eri bilan kelib chiqqan janjal oqibatida uni pichoqlab o‘ldirdi, deb Nova24.uz xabar berdi.
Hodisa 10-fevral kuni Kasbi shahrida sodir bo‘lgan. Mehnat migratsiyasidan qaytgan erkak uyiga qarindoshlarini taklif qilib, mehmonga chaqirgan. Bir necha qadahdan so‘ng u mast holatda xotinini va qizini mehmonlar oldida haqoratlay boshlagan. Mehmonlar aralashishni istamay, uylariga ketgan, ammo janjal davom etgan.
Tungi soatlarga qadar cho‘zilgan tortishuv chog‘ida ayol oshxona pichog‘ini olib, erining bo‘yniga ikki marta zarba bergan.
«U meni o‘ldirmoqchi bo‘ldi. Qizimning sha’nini himoya qilmoqchi edim. Atay qilganim yo‘q. Hammadan kechirim so‘rayman», — dedi ayol.
Sud uni 6 yil ozodlikdan mahrum qildi. Qaysi moddalar bo‘yicha ayblangani ochiqlanmagan. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
