Toshkent viloyatida vujudga kelgan tashvishli holat nafaqat bola hayotiga zomin bo‘ldi, balki jamiyatdagi tibbiy mas’uliyat masalasini yana bir bor kun tartibiga olib chiqdi. Bu haqda “Ezgulik” inson huquqlari jamiyati Toshkent viloyati bo‘limi raisi Zarif Mirzahmedov ma’lum qildi.
Ma’lum qilinishicha, 2025 yil 26 iyul kuni Parkent tumanida joylashgan tibbiyot muassasasida bor-yo‘g‘i 9 oylik chaqaloq vafot etdi. Bu voqea bir necha soat ichida yuz berdi, ammo bolaning ota-onasi bu halokatli oqibatga shifokorlarning loqaydligi va mas’uliyatsiz munosabati sababchi bo‘lgan deb hisoblamoqda.
Ota-onaning ta’rificha, chaqaloq to‘satdan o‘zini yomon his qilgan va ular zudlik bilan uni kasalxonaga olib borishgan. Ular bolani shoshilinch ravishda ko‘rikdan o‘tkazishni talab qilgan.
Biroq shifokorlar chaqaloqning ahvoliga yetarlicha e’tibor qaratmagan, uni jiddiy qabul qilmagan va hech qanday tezkor chora ko‘rmagan. Hatto og‘irlashib borayotgan holat ham yetarlicha baholanmagan.
Natijada, bola bir necha soat o‘tgandan so‘ng ko‘z yumdi. Ota-ona buning uchun aynan tibbiy e’tiborsizlikni ayblamoqda.
Hozirda ushbu voqea yuzasidan Toshkent viloyati prokuraturasi tomonidan jinoiy ish qo‘zg‘atilgan. Hodisa to‘liq o‘rganilmoqda.
Tergov organlari bolaning o‘limiga sabab bo‘lgan barcha omillarni sinchiklab tekshirmoqda. Xususan, tibbiy mutaxassislar tomonidan xizmat burchini lozim darajada bajarmaslik yoki shifoxonadagi xato ehtimoli ko‘rib chiqilmoqda.
Agar shifokorlar tomonidan haqiqatan ham loqaydlik yoki bemas’uliyatlik holati aniqlansa, ularga nisbatan O‘zbekiston Respublikasi Jinoyat kodeksining 116-moddasi (kasbiy burchni lozim darajada bajarmaslik) va 117-moddasi (xavf ostida qolgan shaxsni tashlab ketish) bo‘yicha jinoiy javobgarlik belgilanishi mumkin.
Qonun oldida hamma teng. Tabiiyki, inson hayoti, ayniqsa bola hayoti — eng oliy qadriyat. Bu hayotni asrab qolish uchun tibbiyot xodimlari hamisha sergak va mas’ul bo‘lishi shart.
Mazkur voqea jamiyatimizda tibbiy tizimga nisbatan ishonch masalasini yana bir bor ko‘tarib chiqdi. Ota-onalarni tinchlikdan mahrum qilgan, bir oilani fojiaga duchor etgan ushbu holat javobsiz qolmasligi kerak.
Shu paytgacha ko‘pchilik uchun tibbiyot — ishonch manbai bo‘lgan. Lekin bu kabi voqealar, afsuski, ba’zi shifokorlarning mas’uliyatsizligi butun tizimga dog‘ tushirish xavfini tug‘diradi.
Ota-onalarning qalbidagi o‘rnini hech narsa bilan to‘ldirib bo‘lmaydigan farzand oqibatida yo‘qotildi. Ular adolat talab qilmoqda.
Tibbiyot inson hayoti uchun kurashish, uni saqlash, barqarorlikni ta’minlash sohasi bo‘lishi lozim. Ammo e’tiborsizlik sabab o‘z vazifasini bajarmaganlar jazosini olishi shart.
Har bir shifokor — inson taqdiri uchun javobgar. Bu haqiqat e’tibordan chetda qolmasligi kerak.
Bu voqea nafaqat huquqiy, balki ma’naviy saboq hamdir. Bir bolaning hayoti tiklab bo‘lmas darajada yo‘qotildi, endi esa qonun o‘z so‘zini aytishi kerak.
“Zamin”ni Telegramʻda oʻqing!
