[img]https://zamin.uz/u
Marg‘ilon shahrida ko‘p qavatli uylar orasida o‘ynab o‘tirgan 2,5 yoshli bolani avtomashinasi bilan bosib o‘tgan 55 yoshli haydovchiga nisbatan sud hukmi e’lon qilindi. Bu haqda Ruxsor TV telekanali xabar berdi.
Hodisa Zuxro ko‘chasida sodir bo‘lgan. Abubakr Akramjonov ismli bola ko‘p qavatli uy yo‘lagida o‘ynab o‘tirar ekan, shu mahallada yashovchi ayol Gentra rusumli avtomashinasida kelib, bolani bosib o‘tgan. Natijada bola og‘ir jarohat olib, shifoxonaga yotqizilgan.
«Bilganimda to‘xtardim…»
Sudda haydovchi o‘sha kuni yaqin qarindoshining uyiga ketayotganini, yo‘lda bolani ko‘rmaganini va hech qanday ovoz eshitmaganini aytdi.
— «Bilganimda, albatta, to‘xtardim. Masalan, itni ezib ketsangiz ham to‘xtaysiz-ku. Yig‘laganini ham eshitmabman. Kamera orqali ko‘rgandim, shundagina o‘zim ekanimni bildim», — degan u.
Ayol 5 yil avval haydovchilik guvohnomasi olganini va tajribasi ozligini ham aytib o‘tgan.
Otasi — «Farzandim ko‘chadan qo‘rqadi»
Bolaning otasi sudda farzandining na faqat jismoniy, balki ruhiy holati ham o‘zgarganini bildirdi.
— «Biror gap aytsangiz, qo‘rqib ketadi. Ko‘chaga olib chiqsak, mashina ko‘rsa, uyga kirib ketadi. Ilgarigiday o‘ynashni istamaydi», — dedi u.
Ota suddan haydovchiga nisbatan qonuniy chora ko‘rishni, moddiy va ma’naviy zararni qoplab berishni so‘radi.
Sud qarori
Sud haydovchini Jinoyat kodeksining 117-moddasi 1-qismi («Xavf ostida qoldirish») va 266-moddasi 1-qismi («Transport vositalari harakati yoki ulardan foydalanish xavfsizligi qoidalarini buzish») bo‘yicha aybdor deb topdi.
Unga 2 yil muddatga barcha turdagi transport vositalarini boshqarish huquqidan mahrum qilish va uydan chiqishini butunlay cheklash orqali 2 yil ozodlikni cheklash jazosi tayinlandi. Shuningdek, haydovchidan bolaning otasiga 2 mln 350 ming so‘m moddiy va 25 mln so‘m ma’naviy zarar undirilishi belgilandi.
YTH tafsilotlari
Ma’lumotlarga ko‘ra, YTH 2025 yil 10 may kuni sodir bo‘lgan. Ko‘p qavatli uylar orasida sekin harakatlanayotgan mashina yo‘l chetida o‘ynab o‘tirgan bolani bosib o‘tgan. Old g‘ildirak bolaning ko‘kragini, orqa g‘ildirak esa tos qismini ezgan. Haydovchi bolaning baqirishini eshitmagan holda hodisa joyidan ketib qolgan.
ploads/posts/2025-08/dad88e41f3_ai3.webp[/img]
“Zamin”ni Telegramʻda oʻqing!
