5 sentyabr kuni Tatariston hududida yuraklarni ezgu holat sodir bo‘ldi. Zaynskiy tumanidagi Naberejne Chelni – Almetevsk yo‘lining 38-kilometrida sodir bo‘lgan yo‘l-transport hodisasida uch nafar o‘zbekistonlik fuqaro halok bo‘ldi. Bu haqida mahalliy prokuratura matbuot xizmati ma’lumot berdi.
Hodisa shunday kechdiki, Nexia rusumli yengil avtomashina noma’lum sabablarga ko‘ra qarshi yo‘lga chiqib ketgan va “MAN” yuk mashinasi bilan kuchli to‘qnashuv sodir etgan. Zarba shunchalik qattiq bo‘lganki, yengil avtomobil deyarli metallolomga aylanib ketgan.
Rasmiy ma’lumotlarga ko‘ra, Nexia haydovchisi va ikki yo‘lovchi og‘ir tan jarohatlari oqibatida voqea joyidayoq hayotdan ko‘z yumgan. Hozirda tergov harakatlari olib borilmoqda, jarayon prokuratura nazoratida.
“Kun” nashri tarqatgan xabarda qayd etilishicha, O‘zbekistonning Qozondagi bosh konsulligi marhumlar haqidagi ma’lumotni rasman tasdiqlagan. Diplomatik missiya bayonotida: “Vaziyat to‘liq nazorat ostida. Barcha zarur rasmiylashtirish ishlari yakunlangach, qurbonlar jasadlari Migratsiya agentligi ko‘magida O‘zbekistonga yuboriladi”, — deya ta’kidlangan.
Mutasaddilar bu kabi fojiali holatlar yo‘lda harakatlanish qoidalariga qat’iy rioya qilish qanchalik muhimligini yana bir bor eslatdi. Odamlar hayotiga befarqlik va bir lahzali e’tiborsizlik yuzlab qayg‘uli oqibatlarga olib kelishi mumkinligi urg‘ulandi.
Bu voqea nafaqat marhumlarning yaqinlari, balki butun yurtdoshlar uchun og‘ir yo‘qotish sifatida qabul qilindi. Endi jamoatchilik har qanday fuqaro yo‘lda o‘z xavfsizligi va boshqalar hayoti uchun mas’ul ekanini yana bir bor anglamoqda.
“Zamin”ni Telegramʻda oʻqing!
