Toshkent shahri Uchtepa tumanidagi 62-maktab direktori lavozimidan favqulodda chora ko‘rildi va ishdan ozod etildi. Bu qaror maktab rahbarining xodimlarga nisbatan munosabatlari keng omma e’tiboriga tushganidan keyin qabul qilindi.
Ijtimoiy tarmoqlarda tarqalgan videolarda maktab rahbari 1-sinf o‘quvchilari kuzatuvi ostida ayol o‘qituvchilarni haqorat qilgani aniqlangan. Mazkur holat Toshkent shahar Maktabgacha va maktab ta’limi boshqarmasi tomonidan tizimli o‘rganilib, batafsil tahlil qilindi.
Boshqarma axborotiga ko‘ra, xodimning xatti-harakatlari kasbiy odob va pedagogik me’yorlarga zid deb topilgan. Shu munosabat bilan unga nisbatan qonunchilik asosida choralar qo‘llanilib, rahbarlik lavozimidan ozod etildi.
Shu bilan birga, boshqarma tizimida faoliyat yuritayotgan barcha pedagog va rahbar xodimlardan kasbiy etika qoidalariga qat’iy amal qilish talab etilishi yana bir bor eslatib o‘tildi. Mazkur voqea pedagoglar va aholi uchun kasbiy odob, mas’uliyat va samarali muomala madaniyatini yanada rivojlantirishga signal sifatida xizmat qiladi.
“Zamin”ni Telegramʻda oʻqing!
